Qazaqstanda 14 jastaǵy qyz hokkei jattyqtyrýshysy ózin eki jyl boiy zorlap, qorqytyp kelgenin málimdedi. Is boiynsha 38 jastaǵy jattyqtyrýshy men onyń tanysy qamaýǵa alynǵan, dep habarlaidy ult.kz.
«Eýraziia» arnasynyń málimetinshe, oqiǵa 2024 jyly Taldyqorǵanda ótken kógaldaǵy hokkei jarysy kezinde bastalǵan. Qyz jattyqtyrýshy bergen shaidy ishkennen keiin esinen tanyp qalǵanyn, al oianǵanda zorlyqqa ushyraǵanyn aitqan.
Jasóspirimniń sózinshe, keiin jattyqtyrýshy ony intim beinejazbamen qorqytyp, bolǵan jaǵdaidy eshkimge aitpaýǵa májbúrlegen.
Jábirlenýshiniń aitýynsha, jattyqtyrýshy ony intim beinejazbamen qorqytyp, bolǵan jaǵdaidy eshkimge aitpaýǵa májbúrlegen. Qyz zorlyq áreketteri eki jyl boiy jalǵasqanyn jáne jattyqtyrýshynyń ony basqa adamdarǵa bergenin málimdedi.
Jasóspirim bul týraly eki jyldan keiin jaqyndaryna aitqan. Osydan keiin týystary jattyqtyrýshymen kezdesken. Qazir qyzdyń aǵasy qamaýda, al anasyna úiqamaq túrindegi bultartpaý sharasy qoldanylǵan.
Istiń aýyrlyǵyna bailanysty tergeýdi oblystyq politsiia júrgizip jatyr.
Oblystyq politsiianyń málimetinshe, eki kúdikti ustalyp, sot sanktsiiasymen qamaýǵa alynǵan. Qylmystyq is boiynsha tergeý aiaqtalyp, taraptar is materialdarymen tanysyp jatyr. Is politsiia departamenti basshylyǵynyń erekshe baqylaýynda.
«Tergeý múddesine bailanysty ózge aqparat jariia etilmeidi», – dedi oblystyq PD basqarmasynyń bastyǵy Baýyrjan Sáýlebekov.
Jábirlenýshiniń jaqyndary istiń sotqa tezirek joldanyp, kúdiktilerdiń zań aiasynda qatań jazalanýyn talap etip otyr.
