Qaraǵandy oblysynda 27 jastaǵy turǵynǵa oq atqan kúdikti ustaldy, dep habarlaidy "Ult aqparat" Polisia.kz saityna silteme jasap.
Tamyz aiynyń 8-inen 9-yna qaraǵan túni qalalyq politsiia bólimine ortalyq aýrýhanaǵa ártúrli dene jaraqatymen 27 jastaǵy qala turǵyny jatqyzylǵany týraly aqparat túsken. Oqiǵa ornyna jedel-tergeý toby jiberildi.
Politsiia qyzmetkerleri oqiǵa sózge kelispeýshilik saldarynan bolǵany jáne onyń barysynda travmatikalyq qarý qoldanǵanyn anyqtady.
Atalǵan fakti boiynsha Temirtaý qalalyq Politsiia basqarmasynyń barlyq jeke quramyna baǵyttama berilip, izdestirý jumystary bastalǵan.
«Kriminaldyq politsiia qyzmetkerleri júrgizgen jedel-izdestirý is-sharalary barysynda oqiǵaǵa qatysqandardyń barlyǵy anyqtaldy. 20-37 jas aralyǵyndaǵy tórt kúdikti ustaldy. Politsiia qyzmetkerleri buzaqylyq áreketti bastaýǵa sebep bolǵan 30 jastaǵy er adam anyqtaldy. Ol qaladaǵy úilerdiń aýlasynda jábirlenýshimen sózge kelispei qalyp, travmatikalyq qarýmen oq atqany týraly moiyndaý jaýabyn berdi. Qazirgi ýaqytta ol ýaqytsha ustaý izoliatoryna qamalyp, qarý tárkilendi», – dedi Qaraǵandy oblystyq Politsiia departamenti bastyǵynyń birinshi orynbasary Qurmanǵali Ysmaǵulov.
Atalǵan fakti boiynsha Qazaqstan Respýblikasy Qylmystyq kodeksiniń 293-baby 3-bóligine sáikes qylmystyq is qozǵaldy. Qazirgi ýaqytta politsiia qyzmetkerleri oqiǵaǵa qatysqan basqa da azamattardy ustaý boiynsha keshendi is-sharalar júrgizýde.
