قاراعاندى وبلىسىندا 27 جاستاعى تۇرعىنعا وق اتقان كٷدٸكتٸ ۇستالدى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
تامىز ايىنىڭ 8-ٸنەن 9-ىنا قاراعان تٷنٸ قالالىق پوليتسييا بٶلٸمٸنە ورتالىق اۋرۋحاناعا ەرتٷرلٸ دەنە جاراقاتىمەن 27 جاستاعى قالا تۇرعىنى جاتقىزىلعانى تۋرالى اقپارات تٷسكەن. وقيعا ورنىنا جەدەل-تەرگەۋ توبى جٸبەرٸلدٸ.
پوليتسييا قىزمەتكەرلەرٸ وقيعا سٶزگە كەلٸسپەۋشٸلٸك سالدارىنان بولعانى جەنە ونىڭ بارىسىندا تراۆماتيكالىق قارۋ قولدانعانىن انىقتادى.
اتالعان فاكتٸ بويىنشا تەمٸرتاۋ قالالىق پوليتسييا باسقارماسىنىڭ بارلىق جەكە قۇرامىنا باعىتتاما بەرٸلٸپ, ٸزدەستٸرۋ جۇمىستارى باستالعان.
«كريمينالدىق پوليتسييا قىزمەتكەرلەرٸ جٷرگٸزگەن جەدەل-ٸزدەستٸرۋ ٸس-شارالارى بارىسىندا وقيعاعا قاتىسقانداردىڭ بارلىعى انىقتالدى. 20-37 جاس ارالىعىنداعى تٶرت كٷدٸكتٸ ۇستالدى. پوليتسييا قىزمەتكەرلەرٸ بۇزاقىلىق ەرەكەتتٸ باستاۋعا سەبەپ بولعان 30 جاستاعى ەر ادام انىقتالدى. ول قالاداعى ٷيلەردٸڭ اۋلاسىندا جەبٸرلەنۋشٸمەن سٶزگە كەلٸسپەي قالىپ, تراۆماتيكالىق قارۋمەن وق اتقانى تۋرالى مويىنداۋ جاۋابىن بەردٸ. قازٸرگٸ ۋاقىتتا ول ۋاقىتشا ۇستاۋ يزولياتورىنا قامالىپ, قارۋ تەركٸلەندٸ», – دەدٸ قاراعاندى وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى قۇرمانعالي ىسماعۇلوۆ.
اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 293-بابى 3-بٶلٸگٸنە سەيكەس قىلمىستىق ٸس قوزعالدى. قازٸرگٸ ۋاقىتتا پوليتسييا قىزمەتكەرلەرٸ وقيعاعا قاتىسقان باسقا دا ازاماتتاردى ۇستاۋ بويىنشا كەشەندٸ ٸس-شارالار جٷرگٸزۋدە.
