Almaty oblysyna qarasty Tekeli qalasynyń ákimi Baqtiiar Ónerbaev taǵy da maskúnemderge tap bolyp, halyqty ishimdik ishetindermen kúresýge shaqyrdy, dep habarlaidy "Ult aqparat".
«Búgin qala aralap júrip taǵy da maskúnemderge tap boldym. Mine, qoǵamdyq tártipti buzatyndar — osylar. Bularmen qalai kúresemiz, ne isteimiz? Múmkin dúkende araq-sharap, temeki satýdy múldem toqtatamyz? Qurmetti tekelilikter, dúkenderden araq-sharap temekini satyp alýdy toqtatamyz! Áitpese, sizder nemese sizderdiń týystaryńyz osylardyń qatarynda bolmaýyna kim kepil!» - dep jazdy Tekeli qalasynyń ákimi Baqtiiar Ónerbaev Instagram jelisindegi paraqshasynda.
Tekeliniń ákimi ishimdik iship otyr delingen úsh áieldi videoǵa túsirip, áleýmettik jelige jariialady. Al áiel adamdar ishimdik ishpedik, qolymyzdaǵy sharap dep aqtalady. Al B.Ónerbaevtyń áielderge «araq ishkenderińiz kórinip tur» degen sózine, tekeliniń úsh turǵyny «kúndiz ishkenbiz» dep jaýap beredi.
Aita keteiik, buǵan deiin Tekeli qalasynyń ákimi qoǵamdyq orynda ishimdik iship otyrǵan úsh er azamatqa tap bolyp, olardy qýyp jibergen bolatyn. Sheneýnik, bul áreketin videoǵa túsirip, áleýmettik jelige jariialaǵanyn habarlaǵan bolatynbyz. Artynsha ishimdik ishken úsh azamat 3 jáne 5kúnge qamaýǵa alyndy.
