الماتى وبلىسىنا قاراستى تەكەلٸ قالاسىنىڭ ەكٸمٸ باقتييار ٶنەرباەۆ تاعى دا ماسكٷنەمدەرگە تاپ بولىپ, حالىقتى ٸشٸمدٸك ٸشەتٸندەرمەن كٷرەسۋگە شاقىردى, دەپ حابارلايدى "ۇلت اقپارات".
«بٷگٸن قالا ارالاپ جٷرٸپ تاعى دا ماسكٷنەمدەرگە تاپ بولدىم. مٸنە, قوعامدىق تەرتٸپتٸ بۇزاتىندار — وسىلار. بۇلارمەن قالاي كٷرەسەمٸز, نە ٸستەيمٸز? مٷمكٸن دٷكەندە اراق-شاراپ, تەمەكٸ ساتۋدى مٷلدەم توقتاتامىز? قۇرمەتتٸ تەكەلٸلٸكتەر, دٷكەندەردەن اراق-شاراپ تەمەكٸنٸ ساتىپ الۋدى توقتاتامىز! ەيتپەسە, سٸزدەر نەمەسە سٸزدەردٸڭ تۋىستارىڭىز وسىلاردىڭ قاتارىندا بولماۋىنا كٸم كەپٸل!» - دەپ جازدى تەكەلٸ قالاسىنىڭ ەكٸمٸ باقتييار ٶنەرباەۆ Instagram جەلٸسٸندەگٸ پاراقشاسىندا.
تەكەلٸنٸڭ ەكٸمٸ ٸشٸمدٸك ٸشٸپ وتىر دەلٸنگەن ٷش ەيەلدٸ ۆيدەوعا تٷسٸرٸپ, ەلەۋمەتتٸك جەلٸگە جارييالادى. ال ەيەل ادامدار ٸشٸمدٸك ٸشپەدٸك, قولىمىزداعى شاراپ دەپ اقتالادى. ال ب.ٶنەرباەۆتىڭ ەيەلدەرگە «اراق ٸشكەندەرٸڭٸز كٶرٸنٸپ تۇر» دەگەن سٶزٸنە, تەكەلٸنٸڭ ٷش تۇرعىنى «كٷندٸز ٸشكەنبٸز» دەپ جاۋاپ بەرەدٸ.
ايتا كەتەيٸك, بۇعان دەيٸن تەكەلٸ قالاسىنىڭ ەكٸمٸ قوعامدىق ورىندا ٸشٸمدٸك ٸشٸپ وتىرعان ٷش ەر ازاماتقا تاپ بولىپ, ولاردى قۋىپ جٸبەرگەن بولاتىن. شەنەۋنٸك, بۇل ەرەكەتٸن ۆيدەوعا تٷسٸرٸپ, ەلەۋمەتتٸك جەلٸگە جارييالاعانىن حابارلاعان بولاتىنبىز. ارتىنشا ٸشٸمدٸك ٸشكەن ٷش ازامات 3 جەنە 5كٷنگە قاماۋعا الىندى.
