Taiaý Shyǵysty úlken soǵys elesi kezip júr. Bul týraly búgin elordada ótip jatqan Astana klýbynyń jalpy otyrysynda QR Prezidenti Nursultan Nazarbaev aitty, dep habarlaidy QazAqparat tilshisi.
«Úlken Eýraziianyń keibir óńirlerinde keń aýqymdy áskeri teketirestiń oryn alýy qaýpi joǵary. Jarylys qaýpi barynsha joǵary óńirlerdiń biri Taiaý Shyǵys bolyp otyr. Qazirgi ýaqytta biz Siriiadaǵy daǵdarystan týyndaǵan turaqsyzdyqty, Iraktaǵy saiasi shielenistiń saqtalýyn, Liviiadaǵy azamattyq soǵysty, Arab elderindegi ishki syn-tegeýirinderdiń damýyn baiqap otyrmyz», - dep atap ótti Elbasy.
QR Prezidenti munyń barlyǵy óte kúrdeli jaǵdaida jáne álemdik qoǵamdastyq uzaq ýaqyt boiy jumys isteýiniń nátijesinde qol jetkizilgen Iranmen aradaǵy iadrolyq kelisimniń ydyraýymen bailanysty tereńdei túskendigin basa aitty. Qazaqstannyń álem elderine úlgi kórsetip, iadrolyq qarýdan óz erkimen bas tartqanyn eske saldy.
«Keler jyly sheshilmegen problemalardyń shýmaǵy Taiaý Shyǵysqa úlken soǵys elesin qaita oraltyp, munan ary shyrmalana túsýi múmkin», - dedi Nursultan Nazarbaev.
Aita keteiik, Elbasy jiyn barysynda Úlken Eýraziianyń sulbasy qalyptasyp kele jatqanyn aityp, Resei, AQSh jáne Qytai arasyndaǵy geosaiasi básekelestikke alańdaýshylyq tanytty.
Sonymen qatar Nursultan Nazarbaev álemdik derjavalar qarýlaný jarysyna qaita oralýy múmkin ekendigin eskertti.
