Búgin №2 Atyraý qalalyq sotynda Maks Boqaev pen Talǵat Aianovtyń isi boiynsha basty sot otyrysy odan ári jalǵasty. Búgingi otyrysta oqiǵaǵa qatysy bar kýágerler – R.Kibraev pen M.Esilbaevtan Almaty qalalyq sotynan onlain túrde jaýap alyndy. Sot protsesi aiyptalýshylardyń qatysýynsyz ótti.
Búgingi otyrysta aiyptalýshylardyńjaqyn tanysy Rinat Kibraev sot suraqtaryna jaýap berdi. Kýágerdiń aitýynsha, M.Boqaev pen T.Aianov 24 sáýirdegi mitingti uiymdastyrǵan jáne 21 mamyrda zańsyz sherý ótkizýdijosparlaǵan, iaǵni ekeýi osy eki mitingtiń tikelei uiymdastyrýshylary bolǵan.Sondai-aq, olar Qazaqstannyń búkil aýmaǵynda tolqýlar uiymdastyrýdy kózdegen.T.Aianov 7 mamyr kúni Almatyda ótken mitingke de qatysqan.
«M.Boqaev pen T.Aianov áleýmettik jelideQazaqstan jerleri Qytaiǵa satylady degen jalǵanaqparat taratqan. Osylaisha, halyqty dúrliktirip, jerdiń satylýyna narazylyq bildirip, mitingke shyǵýǵa shaqyrǵan.QR Prezidenti jer máselesine qatysty moratorii jariialaǵanymen, tolqýlardy jalǵastyra bergen jáne olardy toqtatpaýdy kózdegen», - dep kýáger aiyptalýshylardyń josparymen bólisti.
Sondai-aq, Kibraev óz sózinde 3 mamyr kúni Almatyda Aianovpen jáne taǵy bir qoǵam belsendisi Marlan Esilbaevpen kezdesip, spirttik ishimdik ishkenin aitty. Áńgime barysynda oǵan T.Aianov mitingter ótkizýge qomaqty qarjynyń bar ekenin jáne ony ońtústikqazaqstandyq azamattardyń bergenin jaiyp salǵan. Sondai-aq, Aianov quqyq qorǵaýshylar ony ustap alýy múmkin bolǵandyqtan qarjynyń bir bóligin M.Esilbaevqa berip qoiǵanyn jetkizgen.
Al M.Esilbaev búgingi sot otyrysynda bergen jaýabynda osy aqparatty rastady. Ol R.Kibraevpen tanys bolǵanyn, al Aianovpen 2016 jyldyń mamyrynda tanysqanyn aitty.
«Men 2016 jyldyń mamyr aiynda Almaty qalasynda bolyp, qaladaǵy «Qazjol» qonaqúiinde turdym. 2 mamyr jáne 3 mamyr kúnderi men Kibraevpen jáne Aianovpen qonaqúide keshki ýaqytta kezdestim. 3 mamyr kúni olar meniń bólmeme kelip, biz spirttik ishimdik ishtik, odan keiin saýnaǵa bardyq. Saýnaǵa barar aldynda Aianov maǵan qara tústi polimer paket berdi, ishinde birneshe «pachka» dollar jatty. Ol somasyn naqtylaǵan joq. Aianov maǵan mitingten keiin ony quqyq qorǵaý organdary qadaǵalaitynyn, sondyqtan aqshany ózinde saqtaýǵa qorqatynyn aitty. Osy sebepten mennen qarjyny ýaqytsha saqtai turýdy ótindi. Bul aqshany men Aianov umytyp ketken «fýtbolkasyna» orap, noýtbýkke arnalǵan sómkege salyp qoidym», - dedi kýáger.
M.Esilbaevtyń aitýynsha, Ulttyq qaýipsizdik qyzmetiniń qyzmetkerleri ony tintý kezinde osy aqsha men «fýtbolkany» tapqan. Kýáger tintý barysyndaqoryqqannan bul aqshany Aianov bergen joq, bólmemde umytyp ketken degenin aitty.
«Aianov qarjy josparlanyp otyrǵan uzaq merzimdi jappai tolqýlar kezinde qatysýshylarǵa tamaq pen «palatkalar» alý úshin qajet dedi. Sondai-aq, ol qarjyny ońtústikqazaqstandyq azamattardyń bergenin aitty», - dedi M.Esilbaev.
Eske sala ketsek,M.Boqaev pen T.AianovtyńQR Qylmystyq kodeksiniń úsh baby boiynsha aiyptar taǵylýda. Atap aitsaq, olar: 174 baptyń 2 tarmaǵy, iaǵni, áleýmettik jáne ulttyq alaýyzdyq týǵyzýǵa baǵyttalǵan qasaqana is-áreketter jasaý, azamattardyń ulttyq namysy men qadir-qasietine til tigizý; 274 baptyń 4 tarmaǵy, iaǵni, qoǵamdyq tártipti buzýǵa qaýip tóndiretin kópe-kórineý jalǵan aqparat taratý; 400 bap, iaǵni, zańsyz sherýlerdi uiymdastyrý, ótkizý jáne oǵan qatysý.
