Shymkentte kósheniń qaq ortasynda áieldi pyshaqtap óltirgen er adamǵa qatysty sot úkimi shyqty. Atyshýly is boiynsha aiyptalýshy qylmystyq jaýaptylyqtan bosatyldy, - dep habarlaidy Otyrar.kz.
Qaiǵyly oqiǵa qańtar aiynyń sońynda bolǵan. Tergeý málimetinshe, er adam kóshede áielge birneshe jerden pyshaq jaraqatyn salǵan. Jábirlenýshi oqiǵa ornynda kóz jumdy. Kúdiktini ustaý kezinde ol politseilerge pyshaqpen qarsylyq kórsetken. Osyǵan bailanysty quqyq qorǵaý qyzmetkerleri qyzmettik qarý qoldanýǵa májbúr bolǵan.
Sot barysynda aiyptalýshynyń 2022 jyldan beri psihikalyq dertke bailanysty esepte turǵany anyqtaldy. Ol birneshe márte em qabyldap, dárigerler baqylaýynda bolǵan. Sońǵy emdeý kýrsynan 2025 jyly ótken. Sondai-aq oǵan ekinshi toptaǵy múgedektik taǵaiyndalǵan.
Sot-psihiatriialyq saraptama qorytyndysyna sáikes, er adam qylmys jasaǵan sátte óz áreketiniń mánin túsinbegen ári minez-qulqyn basqara almaǵan. Osyǵan bailanysty sot ony qylmystyq jaýaptylyqtan bosatyp, isti toqtatty.
Sot sheshimimen oǵan psihiatriialyq mekemede kúsheitilgen baqylaýmen merzimsiz májbúrli em taǵaiyndaldy.
