Astana qalasynda jańa týǵan sábiin zańsyz túrde basqa otbasyǵa bergen 19 jastaǵy qyzǵa sot úkimi shyqty, dep habarlaidy ult.kz.
2025 jylǵy 23 mamyrdaǵy sot úkimimen jas ana men deldaldar QR Qylmystyq kodeksiniń 135-baby «Kámeletke tolmaǵandar saýdasy» boiynsha kináli dep tanyldy. Olarǵa probatsiialyq baqylaýmen shartty túrde 8 jyl bas bostandyǵynan aiyrý jazasy taǵaiyndaldy.
Balanyń quqyqtary men qaýipsizdigin qamtamasyz etý maqsatynda sábi mamandandyrylǵan mekemege ornalastyrylǵan. Sonymen qatar sot sheshimimen anasy ata-ana quqyqtarynan aiyryldy.
Astana qalasynyń prokýratýrasy balalarǵa qatysty zańsyz mámileler aýyr qylmys sanalatynyn jáne mundai ister quqyq qorǵaý organdarynyń erekshe baqylaýynda ekenin eskertti.
