Foto: Madina Alimhanova/kaztag.kz
Almaty oblysynda kúieýi kólikpen qaǵyp óltirdi delingen 39 jastaǵy Darina esimdi kelinshek Jetisý oblysynda jerlendi. Marqumnyń artynda kámeletke tolmaǵan eki balasy qaldy, dep habarlady KTK.
Qaiǵyly oqiǵa qoǵamda úlken rezonans týdyrdy. Marqumnyń týystary onyń ólimine kúieýin kinálap otyr. Olardyń aitýynsha, Balqash aýdandyq politsiia bóliminde basshylyq qyzmet atqarǵan er adam áielin qasaqana kólikpen taptap ketken.
Belgili bolǵandai, Darina buǵan deiin politsiia salasynda qyzmet etken. Al áleýmettik jeli men aqparat quraldarynda kúdiktiniń politsiia bóliminde orynbasar bolǵany týraly aqparat tarady.
Alaida Almaty oblystyq politsiia departamenti bul málimetti ázirge naqty rastaǵan da, joqqa shyǵarǵan da joq. Vedomstvo tek atalǵan oqiǵa boiynsha qylmystyq is qozǵalyp, kúdiktiniń qamaýǵa alynǵanyn habarlady.
— Oqiǵanyń barlyq mán-jaiyn jan-jaqty, tolyq ári obektivti anyqtaýǵa baǵyttalǵan tergeý amaldary júrgizilip jatyr, — dedi Almaty oblysy PD resmi ókili Ernar Sáidildin.
