فوتو: مادينا اليمحانوۆا/kaztag.kz
الماتى وبلىسىندا كٷيەۋٸ كٶلٸكپەن قاعىپ ٶلتٸردٸ دەلٸنگەن 39 جاستاعى دارينا ەسٸمدٸ كەلٸنشەك جەتٸسۋ وبلىسىندا جەرلەندٸ. مارقۇمنىڭ ارتىندا كەمەلەتكە تولماعان ەكٸ بالاسى قالدى, دەپ حابارلادى كتك.
قايعىلى وقيعا قوعامدا ٷلكەن رەزونانس تۋدىردى. مارقۇمنىڭ تۋىستارى ونىڭ ٶلٸمٸنە كٷيەۋٸن كٸنەلاپ وتىر. ولاردىڭ ايتۋىنشا, بالقاش اۋداندىق پوليتسييا بٶلٸمٸندە باسشىلىق قىزمەت اتقارعان ەر ادام ەيەلٸن قاساقانا كٶلٸكپەن تاپتاپ كەتكەن.
بەلگٸلٸ بولعانداي, دارينا بۇعان دەيٸن پوليتسييا سالاسىندا قىزمەت ەتكەن. ال ەلەۋمەتتٸك جەلٸ مەن اقپارات قۇرالدارىندا كٷدٸكتٸنٸڭ پوليتسييا بٶلٸمٸندە ورىنباسار بولعانى تۋرالى اقپارات تارادى.
الايدا الماتى وبلىستىق پوليتسييا دەپارتامەنتٸ بۇل مەلٸمەتتٸ ەزٸرگە ناقتى راستاعان دا, جوققا شىعارعان دا جوق. ۆەدومستۆو تەك اتالعان وقيعا بويىنشا قىلمىستىق ٸس قوزعالىپ, كٷدٸكتٸنٸڭ قاماۋعا الىنعانىن حابارلادى.
— وقيعانىڭ بارلىق مەن-جايىن جان-جاقتى, تولىق ەرٸ وبەكتيۆتٸ انىقتاۋعا باعىتتالعان تەرگەۋ امالدارى جٷرگٸزٸلٸپ جاتىر, — دەدٸ الماتى وبلىسى پد رەسمي ٶكٸلٸ ەرنار سەيدٸلدين.
