بٷگٸن №2 اتىراۋ قالالىق سوتىندا ماكس بوقاەۆ پەن تالعات ايانوۆتىڭ ٸسٸ بويىنشا باستى سوت وتىرىسى ودان ەرٸ جالعاستى. بٷگٸنگٸ وتىرىستا وقيعاعا قاتىسى بار كۋەگەرلەر – ر.كيبراەۆ پەن م.ەسٸلباەۆتان الماتى قالالىق سوتىنان ونلاين تٷردە جاۋاپ الىندى. سوت پروتسەسٸ ايىپتالۋشىلاردىڭ قاتىسۋىنسىز ٶتتٸ.
بٷگٸنگٸ وتىرىستا ايىپتالۋشىلاردىڭجاقىن تانىسى رينات كيبراەۆ سوت سۇراقتارىنا جاۋاپ بەردٸ. كۋەگەردٸڭ ايتۋىنشا, م.بوقاەۆ پەن ت.ايانوۆ 24 سەۋٸردەگٸ ميتينگتٸ ۇيىمداستىرعان جەنە 21 مامىردا زاڭسىز شەرۋ ٶتكٸزۋدٸجوسپارلاعان, ياعني ەكەۋٸ وسى ەكٸ ميتينگتٸڭ تٸكەلەي ۇيىمداستىرۋشىلارى بولعان.سونداي-اق, ولار قازاقستاننىڭ بٷكٸل اۋماعىندا تولقۋلار ۇيىمداستىرۋدى كٶزدەگەن.ت.ايانوۆ 7 مامىر كٷنٸ الماتىدا ٶتكەن ميتينگكە دە قاتىسقان.
«م.بوقاەۆ پەن ت.ايانوۆ ەلەۋمەتتٸك جەلٸدەقازاقستان جەرلەرٸ قىتايعا ساتىلادى دەگەن جالعاناقپارات تاراتقان. وسىلايشا, حالىقتى دٷرلٸكتٸرٸپ, جەردٸڭ ساتىلۋىنا نارازىلىق بٸلدٸرٸپ, ميتينگكە شىعۋعا شاقىرعان.قر پرەزيدەنتٸ جەر مەسەلەسٸنە قاتىستى موراتوريي جارييالاعانىمەن, تولقۋلاردى جالعاستىرا بەرگەن جەنە ولاردى توقتاتپاۋدى كٶزدەگەن», - دەپ كۋەگەر ايىپتالۋشىلاردىڭ جوسپارىمەن بٶلٸستٸ.
سونداي-اق, كيبراەۆ ٶز سٶزٸندە 3 مامىر كٷنٸ الماتىدا ايانوۆپەن جەنە تاعى بٸر قوعام بەلسەندٸسٸ مارلان ەسٸلباەۆپەن كەزدەسٸپ, سپيرتتٸك ٸشٸمدٸك ٸشكەنٸن ايتتى. ەڭگٸمە بارىسىندا وعان ت.ايانوۆ ميتينگتەر ٶتكٸزۋگە قوماقتى قارجىنىڭ بار ەكەنٸن جەنە ونى وڭتٷستٸكقازاقستاندىق ازاماتتاردىڭ بەرگەنٸن جايىپ سالعان. سونداي-اق, ايانوۆ قۇقىق قورعاۋشىلار ونى ۇستاپ الۋى مٷمكٸن بولعاندىقتان قارجىنىڭ بٸر بٶلٸگٸن م.ەسٸلباەۆقا بەرٸپ قويعانىن جەتكٸزگەن.
ال م.ەسٸلباەۆ بٷگٸنگٸ سوت وتىرىسىندا بەرگەن جاۋابىندا وسى اقپاراتتى راستادى. ول ر.كيبراەۆپەن تانىس بولعانىن, ال ايانوۆپەن 2016 جىلدىڭ مامىرىندا تانىسقانىن ايتتى.
«مەن 2016 جىلدىڭ مامىر ايىندا الماتى قالاسىندا بولىپ, قالاداعى «قازجول» قوناقٷيٸندە تۇردىم. 2 مامىر جەنە 3 مامىر كٷندەرٸ مەن كيبراەۆپەن جەنە ايانوۆپەن قوناقٷيدە كەشكٸ ۋاقىتتا كەزدەستٸم. 3 مامىر كٷنٸ ولار مەنٸڭ بٶلمەمە كەلٸپ, بٸز سپيرتتٸك ٸشٸمدٸك ٸشتٸك, ودان كەيٸن ساۋناعا باردىق. ساۋناعا بارار الدىندا ايانوۆ ماعان قارا تٷستٸ پوليمەر پاكەت بەردٸ, ٸشٸندە بٸرنەشە «پاچكا» دوللار جاتتى. ول سوماسىن ناقتىلاعان جوق. ايانوۆ ماعان ميتينگتەن كەيٸن ونى قۇقىق قورعاۋ ورگاندارى قاداعالايتىنىن, سوندىقتان اقشانى ٶزٸندە ساقتاۋعا قورقاتىنىن ايتتى. وسى سەبەپتەن مەننەن قارجىنى ۋاقىتشا ساقتاي تۇرۋدى ٶتٸندٸ. بۇل اقشانى مەن ايانوۆ ۇمىتىپ كەتكەن «فۋتبولكاسىنا» وراپ, نوۋتبۋككە ارنالعان سٶمكەگە سالىپ قويدىم», - دەدٸ كۋەگەر.
م.ەسٸلباەۆتىڭ ايتۋىنشا, ۇلتتىق قاۋٸپسٸزدٸك قىزمەتٸنٸڭ قىزمەتكەرلەرٸ ونى تٸنتۋ كەزٸندە وسى اقشا مەن «فۋتبولكانى» تاپقان. كۋەگەر تٸنتۋ بارىسىنداقورىققاننان بۇل اقشانى ايانوۆ بەرگەن جوق, بٶلمەمدە ۇمىتىپ كەتكەن دەگەنٸن ايتتى.
«ايانوۆ قارجى جوسپارلانىپ وتىرعان ۇزاق مەرزٸمدٸ جاپپاي تولقۋلار كەزٸندە قاتىسۋشىلارعا تاماق پەن «پالاتكالار» الۋ ٷشٸن قاجەت دەدٸ. سونداي-اق, ول قارجىنى وڭتٷستٸكقازاقستاندىق ازاماتتاردىڭ بەرگەنٸن ايتتى», - دەدٸ م.ەسٸلباەۆ.
ەسكە سالا كەتسەك,م.بوقاەۆ پەن ت.ايانوۆتىڭقر قىلمىستىق كودەكسٸنٸڭ ٷش بابى بويىنشا ايىپتار تاعىلۋدا. اتاپ ايتساق, ولار: 174 باپتىڭ 2 تارماعى, ياعني, ەلەۋمەتتٸك جەنە ۇلتتىق الاۋىزدىق تۋعىزۋعا باعىتتالعان قاساقانا ٸس-ەرەكەتتەر جاساۋ, ازاماتتاردىڭ ۇلتتىق نامىسى مەن قادٸر-قاسيەتٸنە تٸل تيگٸزۋ; 274 باپتىڭ 4 تارماعى, ياعني, قوعامدىق تەرتٸپتٸ بۇزۋعا قاۋٸپ تٶندٸرەتٸن كٶپە-كٶرٸنەۋ جالعان اقپارات تاراتۋ; 400 باپ, ياعني, زاڭسىز شەرۋلەردٸ ۇيىمداستىرۋ, ٶتكٸزۋ جەنە وعان قاتىسۋ.
