Almaty qalasynyń mańyndaǵy taýda adasyp qalǵan segiz jasóspirimdi Tótenshe jaǵdailar ministrliginiń qutqarýshylary aman-esen tómen túsirdi, dep habarlaidy Ult.kz.
Oqiǵa Bostandyq aýdanyndaǵy Úlken Almaty shyńynyń mańynda, teńiz deńgeiinen 3681 metr biiktikte bolǵan. Qutqarý jumystaryna TJM-niń «Barys» respýblikalyq jedel-qutqarý jasaǵynyń qyzmetkerleri men Almaty qalasy Tótenshe jaǵdailar departamentiniń Qutqarý qyzmeti jumyldyryldy.
Aldyn ala málimet boiynsha, segiz jasóspirim taýǵa aldyńǵy kúni tańerteń ózdiginen kóterilgen. Alaida baǵyt boiynda soqpaqtan jańylyp, óz kúshterimen tómen túse almaǵan. Bul týraly habar túskennen keiin qutqarýshylar olardyń naqty ornalasqan jerin anyqtap, dereý izdestirý-qutqarý jumystaryna kirisken.
Qutqarýshylar jasóspirimderdi qaýipsiz baǵytpen alyp júrip, «Alma-Arasan» ekobeketine deiin jetkizdi. Olardyń eshqaisysyna meditsinalyq kómek qajet bolmaǵan.
TJM azamattardy taýǵa shyǵar aldynda baǵytty muqiiat josparlaýǵa, aýa raiyn eskerýge jáne qaýipsizdik erejelerin qatań saqtaýǵa shaqyrady.
