الماتى قالاسىنىڭ ماڭىنداعى تاۋدا اداسىپ قالعان سەگٸز جاسٶسپٸرٸمدٸ تٶتەنشە جاعدايلار مينيسترلٸگٸنٸڭ قۇتقارۋشىلارى امان-ەسەن تٶمەن تٷسٸردٸ, دەپ حابارلايدى Ult.kz.
وقيعا بوستاندىق اۋدانىنداعى ٷلكەن الماتى شىڭىنىڭ ماڭىندا, تەڭٸز دەڭگەيٸنەن 3681 مەتر بيٸكتٸكتە بولعان. قۇتقارۋ جۇمىستارىنا تجم-نٸڭ «بارىس» رەسپۋبليكالىق جەدەل-قۇتقارۋ جاساعىنىڭ قىزمەتكەرلەرٸ مەن الماتى قالاسى تٶتەنشە جاعدايلار دەپارتامەنتٸنٸڭ قۇتقارۋ قىزمەتٸ جۇمىلدىرىلدى.
الدىن الا مەلٸمەت بويىنشا, سەگٸز جاسٶسپٸرٸم تاۋعا الدىڭعى كٷنٸ تاڭەرتەڭ ٶزدٸگٸنەن كٶتەرٸلگەن. الايدا باعىت بويىندا سوقپاقتان جاڭىلىپ, ٶز كٷشتەرٸمەن تٶمەن تٷسە الماعان. بۇل تۋرالى حابار تٷسكەننەن كەيٸن قۇتقارۋشىلار ولاردىڭ ناقتى ورنالاسقان جەرٸن انىقتاپ, دەرەۋ ٸزدەستٸرۋ-قۇتقارۋ جۇمىستارىنا كٸرٸسكەن.
قۇتقارۋشىلار جاسٶسپٸرٸمدەردٸ قاۋٸپسٸز باعىتپەن الىپ جٷرٸپ, «الما-اراسان» ەكوبەكەتٸنە دەيٸن جەتكٸزدٸ. ولاردىڭ ەشقايسىسىنا مەديتسينالىق كٶمەك قاجەت بولماعان.
تجم ازاماتتاردى تاۋعا شىعار الدىندا باعىتتى مۇقييات جوسپارلاۋعا, اۋا رايىن ەسكەرۋگە جەنە قاۋٸپسٸزدٸك ەرەجەلەرٸن قاتاڭ ساقتاۋعا شاقىرادى.
