Foto: Qazaqstan Prezidentiniń baspasóz qyzmeti
Reseiden kelgen tasqyn sýdyń 80 mln tekshe metri Batys Qazaqstan oblysynyń Qamys-Samar kólderine jiberildi, dep habarlady Sý resýrstary jáne irrigatsiia ministrliginiń baspasóz qyzmeti.
Aita keteri, bul kólderge sońǵy 20 jyl boiy sý barmaǵan.
Vedomstvonyń málimetinshe tasqyn sýdy kólder júiesine jiberý jumysyn jergilikti "Qazsýshar" filialynyń mamandary júrgizýde. Qamys-Samar kólderi kiikter men basqa da janýarlardyń kóshý jolyndaǵy tabiǵi sýat kózi bolyp tabylady.
Batys Qazaqstan oblysyndaǵy sýdyń negizgi kózi - Jaiyq ózeni. Atalǵan ózen arqyly kelgen tasqyn sý sý resýrstary jáne irrigatsiia ministrliginiń "Qazsýshar" mekemesine tiesili Jaiyq-Kóshim sýarý- sýlandyrý júiesinde jinalady.
"Sonymen qatar "Qazsýshar" mamandary sońǵy jyldary keýip qalǵan Edilsor, Jaltyrkól, Birqazan, Sorkól, Saltanat jáne basqa da sý aidyndaryna sý jibere bastady. Sondai-aq Balqash kóline, Kaspii teńizine sý jiberý jumysy jalǵasyp jatyr", - dedi sý resýrstary jáne irrigatsiia ministrliginiń resmi ókili Móldir Ábdýalieva.
