فوتو: قازاقستان پرەزيدەنتٸنٸڭ باسپاسٶز قىزمەتٸ
رەسەيدەن كەلگەن تاسقىن سۋدىڭ 80 ملن تەكشە مەترٸ باتىس قازاقستان وبلىسىنىڭ قامىس-سامار كٶلدەرٸنە جٸبەرٸلدٸ, دەپ حابارلادى سۋ رەسۋرستارى جەنە يرريگاتسييا مينيسترلٸگٸنٸڭ باسپاسٶز قىزمەتٸ.
ايتا كەتەرٸ, بۇل كٶلدەرگە سوڭعى 20 جىل بويى سۋ بارماعان.
ۆەدومستۆونىڭ مەلٸمەتٸنشە تاسقىن سۋدى كٶلدەر جٷيەسٸنە جٸبەرۋ جۇمىسىن جەرگٸلٸكتٸ "قازسۋشار" فيليالىنىڭ ماماندارى جٷرگٸزۋدە. قامىس-سامار كٶلدەرٸ كيٸكتەر مەن باسقا دا جانۋارلاردىڭ كٶشۋ جولىنداعى تابيعي سۋات كٶزٸ بولىپ تابىلادى.
باتىس قازاقستان وبلىسىنداعى سۋدىڭ نەگٸزگٸ كٶزٸ - جايىق ٶزەنٸ. اتالعان ٶزەن ارقىلى كەلگەن تاسقىن سۋ سۋ رەسۋرستارى جەنە يرريگاتسييا مينيسترلٸگٸنٸڭ "قازسۋشار" مەكەمەسٸنە تيەسٸلٸ جايىق-كٶشٸم سۋارۋ- سۋلاندىرۋ جٷيەسٸندە جينالادى.
"سونىمەن قاتار "قازسۋشار" ماماندارى سوڭعى جىلدارى كەۋٸپ قالعان ەدٸلسور, جالتىركٶل, بٸرقازان, سوركٶل, سالتانات جەنە باسقا دا سۋ ايدىندارىنا سۋ جٸبەرە باستادى. سونداي-اق بالقاش كٶلٸنە, كاسپيي تەڭٸزٸنە سۋ جٸبەرۋ جۇمىسى جالعاسىپ جاتىر", - دەدٸ سۋ رەسۋرستارى جەنە يرريگاتسييا مينيسترلٸگٸنٸڭ رەسمي ٶكٸلٸ مٶلدٸر ەبدۋاليەۆا.
