QR Ulttyq ekonomika ministriniń 2022 qańtardyń basyndaǵy tártipsizdikter saldarynan zardap shekken shaǵyn jáne orta kásipkerlik sýbektilerine múlik shyǵynyn óteý qaǵidalaryn belgilegen buiryǵy jariialandy, dep habarlaidy QazAqparat.
Saqtandyrylmaǵan múliktiń shyǵyny qalai óteledi ?
Qujatta tártipsizdikter saldarynan zardap shekken shaǵyn jáne orta biznes nysandaryna joiylǵan múliktiń qunyn, zaqym kelgen múlikti qalpyna keltirýdiń shyǵyny óteletini aitylǵan. Biraq bul talaptyń saqtandyrylǵan múlikterge qatysy joq.
Tártipsizdikter kezinde urlanǵan kólikterdiń isi qoldanystaǵy qylmystyq zańnama boiynsha tergeledi. Biraq bul erejeniń tártipsizdik kezinde joiylǵany dáleldengen kólikterge qatysy joq.
Jergilikti ákimdik qurǵan múliktik ziiandy aiqyndaý jónindegi óńirlik komissiianyń nemese shaǵyn jáne orta kásipkerlik sýbektileriniń ótinimderin qaraý jónindegi komissiianyń sheshimi joǵalǵan múliktiń qunyn nemese búlingen múlikti qalpyna keltirýge arnalǵan jumystardyń qunyn óteý úshin negiz bolyp tabylady.
Joiylǵan múliktiń qunyn tóleýge jáne zaqym kelgen múlikti qalpyna keltirý shyǵynyn óteýge jergilikti ákimdik qurǵan múliktik ziiandy aiqyndaý jónindegi óńirlik komissiianyń sheshimi nemese «Kúshimiz birlikte» qorynyń sheshimi negiz bolady. Iaǵni, tártipsizdikterden zardap shektim dep esepteitin shaǵyn jáne orta biznes ókilderi osy atalǵan eki komissiiaǵa ótinish berýi kerek.
«Joiylǵan múliktiń quny nemese búlingen múlikti qalpyna keltirý jumystarynyń quny múlik iesine memlekettik biýdjetten nemese «Kúshimiz birlikte» atty zardap shekken biznesti qoldaý qorynan aqshalai qarajat tóleý arqyly óteledi.
Joiylǵan múliktiń qunyn óteý mólsheri búlingen múlikti qalpyna keltirý shyǵynyna qarai nemese múliktiń búlinýi saldarynan qunynyń qanshalyqty arzandaǵanyna qarap, qoldanysta júrgen naryqtyq baǵalar boiynsha aiqyndalady», - delingen buiryq jobasynda.
Jyljymaityn múlik búlingen bolsa, qalpyna keltirý shyǵyndaryn qalpyna tiisti smetamen nemese kalkýliatsiiasymen rastaý qajet bolady.
Joiylǵan nemese búlingen múlikti qalai baǵalaidy ?
Joiylǵan nemese búlingen múlikti baǵalaý jumystary men ilespe aýditorlyq qyzmetterdiń aqysyn jergilikti ákimdik nemese «Kúshimiz birlikte» qory tóleitini aitylǵan.
Ákimdikter nemese «Kúshimiz birlikte» qory tártipsizdikter kezinde búlinip, joiylǵan múlikterdi baǵalaityn aýditorlyq kompaniialardyń tizbesin aldyn ala aiqyndaidy. Ol tizbeni jergilikti ákimdikti nemese «Kúshimiz birlikte» qorynyń resmi saitynan kórýge bolady. Sondai-aq, ol tizim «Atameken» ulttyq kásipkerler palatasynyń internet resýrsynda, InfoKazakhstan.kz elektrondyq platformasynda ornalastyrý ǵa usynylady.
Ereje boiynsha, joiylǵan nemese búlingen múlikti qalpyna keltirý jumystarynyń qunyn óteý úshin múlik iesi óńirlik komissiiaǵa nemese «Kúshimiz birlikte» qorynyń komissiiasyna keltirilgen múlik shyǵynyn óteý týraly úlgi boiynsha ótinish jazyp, elektrondyq-tsifrlyq qoltańba arqyly kýálandyryp, InfoKazakhstan.kz elektrondyq platformasy arqyly joldaidy.
Múlik iesiniń elektrondy tsifrlyq qoltańbasy bolmaǵan jaǵdaida senimhat negizinde áreket etetin adam arqyly ótinish bere alady.
Ótinish InfoKazakhstan.kz elektrondyq platformasyna kelip túsken kúnnen bastap kúntizbelik 5 kún ishinde qaralady.
Qandai qujat ótkizý kerek ?
Atalǵan ótinishpen birge qylmystyq qýdalaýdy júrgizip jatqan organnyń múlik iesin «2022 jylǵy qańtardaǵy jappai tártipsizdikterge bailanysty qylmystyq ister boiynsha jábirlenýshi» dep tanyǵan qaýlysynyń kóshirmesi birge berilýi shart.
Sondai-aq:
- jeke kásipker bolsa, jeke kásipker ekenin kýálandyratyn qujattyń kóshirmesi, jeke kásipkerdiń talony qajet. Al zańdy tulǵa bolsa, memlekettik tirkeýden zańdy tulǵa retinde ótkenin rastaityn qujattyń kóshirmesi;
- menshik quqyǵyn nemese múlikke ielik etetinin dáleldeitin qujattar, sáikestendirý qujattary ;
- múlik saqtandyrylmaǵan bolsa, saqtandyrylmaǵanyn málimdegen ótinish, saqtandyrylǵan bolsa, saqtandyrý sharty nemese elektrondyq kóshirmesi;
- eger saqtandyrý shartynyń talaptarynda jappai tártipsizdikter, tótenshe jaǵdailar kezinde zalal saqtandyrylmaityny aitylsa, óńirlik komissiianyń shyǵyndy óteý týraly sheshimi;
- ótinishpen birge usynǵan qujattar jalǵan bolǵan jaǵdaida qylmystyq jaýapkershilik arqalaityny týraly eskertilgenin rastaityn múlik iesiniń jazbasha habarlamasy;
- baǵalaý, saraptama nemese zalal mólsherin aiqyndaý úshin tartylatyn adamdardyń ózderi usynǵan qujattardaǵy málimetterdiń anyqtyǵy úshin qylmystyq jaýaptylyq bar ekeni týraly eskertilgenin rastaityn jazbasha habarlamasy;
- shyǵyn mólsherin aiqyndaý úshin tartylǵan baǵalaý kompaniialarynyń qyzmetterine aqy tóleýge arnalǵan shot-faktýra;
- búlingen jyljymaly múlikti qalpyna keltirý jóndeý smetasy, shyǵyndar kalkýliatsiiasy;
- qalpyna keltirý múmkin emes jyljymaly múlikti baǵalaý paraqtary;
- taýar-materialdyq qundylyqtardyń baǵasyn aiqyndaý úshin memlekettik kiris organdarynan, fiskaldyq derekter operatorlarynan ainalym somalary týraly málimetterdi suratýǵa jáne alýǵa bergen múlik iesiniń jazbasha kelisimi;
- joiylǵan jabdyqtyń qunyn baǵalaý úshinaýditorlyq uiym shyǵarǵan faktilerdi, urlyqty (urlaýdy) anyqtaý týraly esep;
- tártipsizdikter saldaryna múliktiń búliný, joiylý nemese urlaný faktilerin rastaityn ózge de qujattar, foto jáne beinematerialdar (bolǵan jaǵdaida).
Jyljymaityn múlikti qalpyna keltirý úshin kelesi qujattardy usyný qajet:
- óńirlik komissiia músheleriniń qoldary qoiylǵan jáne mórlerimen rastalǵan tehnikalyq tekserý aktisi, aqaý týraly vedomost;
- búlingen múlikti qalpyna keltirýge arnalǵan shyǵystar smetasy;
- dara kásipkerler úshin-dara kásipkerdiń jeke basyn kýálandyratyn qujattyń kóshirmesi, dara kásipkerdiń talony, al zańdy tulǵalar úshin-zańdy tulǵanyń memlekettik tirkelgenin rastaityn qujattyń kóshirmesi;
- Jekelegen óńirlerde oryn alǵan tártipsizdikter saldarynan mundai qujat joǵalǵan nemese joiylǵan jaǵdaida – ishki ister organdary bergen ýaqytsha jeke kýáliktiń kóshirmesi;
- jyljymaityn múliktiń menshik iesinen (ne senimhat boiynsha onyń ókilinen) erkin úlgidegi ótinish;
- jyljymaityn múlik (turǵyn úi)obektisiniń tehnikalyq pasporty; (Mundai qujat joǵalǵan nemese joiylǵan jaǵdaida zańnamada aiqyndalǵan tártippen jáne merzimderde alynǵan telnusqalar ne osy qujattyń kóshirmesi beriledi).
- «Azamattarǵa arnalǵan úkimet» memlekettik korporatsiiasy bergen jyljymaityn múliktiń bolmaýy (bolýy) týraly anyqtama.
aǵymdyq jóndeý boiynsha - tiisti komissiia qol qoiǵan aqaý týraly vedomost jáne smeta.
Qalpyna keltirýge jaramsyz kólik boiynsha:
- avtokóliktiń bolǵanyn rastaityn jáne memlekettik tirkeý organy bergen quqyq belgileitin qujattar;
- kóliktiń tozý deńgeii eskerilgen baǵalaý týraly esep;
- jeke kásipkerler men zańdy tulǵalardyń kólik quralyn tolyq saqtandyrý shartynyń (KASKO) joqtyǵy týraly ótinishi.
Erejeniń tolyq mátinin myna jerden kórýge bolady.
Qujat 2022 jylǵy 27 qańtardan bastap qoldanysqa engiziledi jáne 2022 jylǵy 5 qańtardan bastap týyndaǵan quqyqtyq qatynastarǵa 2023 jylǵy 1 qańtarǵa deiin qoldanylady.
