Búgin Elbasy N.Nazarbaev «Uly dalanyń jeti qyry» atty tarihi maqala jariialap otyr. Ult Kóshbasshysy «Keńistik – barlyq nárseniń, al ýaqyt – búkil oqiǵanyń ólshemi. Ýaqyt pen keńistiktiń kókjiegi toǵysqan kezde ult tarihy bastalady. Bul – jai ǵana ádemi aforizm emes. Shyn máninde, nemisterdiń, italiialyqtardyń nemese úndi halyqtarynyń jylnamasyna kóz júgirtsek, olardyń myńdaǵan jyldy qamtityn tól tarihyndaǵy uly jetistikteriniń deni osy elder qazir meken etip jatqan aýmaqtarǵa qatystylyǵy jóninde suraq týyndaityny oryndy» dep bastai kele, halqymyzdyń bolmysyna kóz júgirtip, tarihi sipatymyzdy anyqtap beredi.
Bul maqala, shyn máninde, osydan bir jarym jyl buryn jaryqqa shyqqan «Bolashaqqa baǵdar: Rýhani jańǵyrý» atty Strategiialyq maqalanyń jalǵasy ekenin Elbasy ózi de dáldep aityp otyr.
Búgingi tarihi maqalada halqymyzdyń dana kóshbasshysy elimizdegi bolǵan barlyq tarihi kezeńderdi qamtyp, ótkenge kóz júgirtpei, bolashaǵymyzdy aiqyndai almaitynymyzdy taǵy bir eske túsirdi.
Nursultan Ábishuly Nazarbaev óziniń tarihi maqalasynda ónerimizge, bolmysymyzǵa degen kózqarasymyzdy bir jaqty ǵana etpei, kez kelgen tarihi oqiǵanyń búge-shigesine deiin zertteý kerektigin de oryndy atap ótti. Tarihi bolmysymyzdy aiqyndaityn shyǵarmalar jazylyp, ulttyq folklorymyzdy da zertteý kerektigi tapsyrylady.
Shynymen de, bizdiń aýdanymyzdyń ózinde zerttelmegen, áli tolyqtai syry ashylmaǵan tarihi-mádeni kóne jádigerler jetkilikti. Bytyǵai kesenesi, Qanykei mazary, Jumai batyrdyń tarihi bolmysy, Aqedil Qajy men Bespaqyr keseneleriniń ańyz-oqiǵalary áli kúnge deiin tolyqtai zerttelmei, zerdelenbei otyr. Óńirimizde esimderi ańyzǵa ainalǵan Qultýma, Úlebai aqyndar týraly da málimetter óte az. Bul, eń aldymen, osy tarihi tulǵalardy zertteitin arnaiy institýttyń bolmaýynan da týyndap otyrǵan másele. Elbasynyń búgingi maqalasy osyndai olqylyqtardy bir jolata seiiltip, tarihi tulǵalarǵa obektivti baǵa berýimizge jol ashqandai kórindi bizge...
Shoqan ZÁKARIN,
Qorǵaljyn aýdandyq «Shamshyraq nury»
qoǵamdyq-saiasi gazetiniń redaktory.
.jpeg)