بٷگٸن ەلباسى ن.نازارباەۆ «ۇلى دالانىڭ جەتٸ قىرى» اتتى تاريحي ماقالا جارييالاپ وتىر. ۇلت كٶشباسشىسى «كەڭٸستٸك – بارلىق نەرسەنٸڭ, ال ۋاقىت – بٷكٸل وقيعانىڭ ٶلشەمٸ. ۋاقىت پەن كەڭٸستٸكتٸڭ كٶكجيەگٸ توعىسقان كەزدە ۇلت تاريحى باستالادى. بۇل – جاي عانا ەدەمٸ افوريزم ەمەس. شىن مەنٸندە, نەمٸستەردٸڭ, يتالييالىقتاردىڭ نەمەسە ٷندٸ حالىقتارىنىڭ جىلناماسىنا كٶز جٷگٸرتسەك, ولاردىڭ مىڭداعان جىلدى قامتيتىن تٶل تاريحىنداعى ۇلى جەتٸستٸكتەرٸنٸڭ دەنٸ وسى ەلدەر قازٸر مەكەن ەتٸپ جاتقان اۋماقتارعا قاتىستىلىعى جٶنٸندە سۇراق تۋىندايتىنى ورىندى» دەپ باستاي كەلە, حالقىمىزدىڭ بولمىسىنا كٶز جٷگٸرتٸپ, تاريحي سيپاتىمىزدى انىقتاپ بەرەدٸ.
بۇل ماقالا, شىن مەنٸندە, وسىدان بٸر جارىم جىل بۇرىن جارىققا شىققان «بولاشاققا باعدار: رۋحاني جاڭعىرۋ» اتتى ستراتەگييالىق ماقالانىڭ جالعاسى ەكەنٸن ەلباسى ٶزٸ دە دەلدەپ ايتىپ وتىر.
بٷگٸنگٸ تاريحي ماقالادا حالقىمىزدىڭ دانا كٶشباسشىسى ەلٸمٸزدەگٸ بولعان بارلىق تاريحي كەزەڭدەردٸ قامتىپ, ٶتكەنگە كٶز جٷگٸرتپەي, بولاشاعىمىزدى ايقىنداي المايتىنىمىزدى تاعى بٸر ەسكە تٷسٸردٸ.
نۇرسۇلتان ەبٸشۇلى نازارباەۆ ٶزٸنٸڭ تاريحي ماقالاسىندا ٶنەرٸمٸزگە, بولمىسىمىزعا دەگەن كٶزقاراسىمىزدى بٸر جاقتى عانا ەتپەي, كەز كەلگەن تاريحي وقيعانىڭ بٷگە-شٸگەسٸنە دەيٸن زەرتتەۋ كەرەكتٸگٸن دە ورىندى اتاپ ٶتتٸ. تاريحي بولمىسىمىزدى ايقىندايتىن شىعارمالار جازىلىپ, ۇلتتىق فولكلورىمىزدى دا زەرتتەۋ كەرەكتٸگٸ تاپسىرىلادى.
شىنىمەن دە, بٸزدٸڭ اۋدانىمىزدىڭ ٶزٸندە زەرتتەلمەگەن, ەلٸ تولىقتاي سىرى اشىلماعان تاريحي-مەدەني كٶنە جەدٸگەرلەر جەتكٸلٸكتٸ. بىتىعاي كەسەنەسٸ, قانىكەي مازارى, جۇماي باتىردىڭ تاريحي بولمىسى, اقەدٸل قاجى مەن بەسپاقىر كەسەنەلەرٸنٸڭ اڭىز-وقيعالارى ەلٸ كٷنگە دەيٸن تولىقتاي زەرتتەلمەي, زەردەلەنبەي وتىر. ٶڭٸرٸمٸزدە ەسٸمدەرٸ اڭىزعا اينالعان قۇلتۋما, ٷلەباي اقىندار تۋرالى دا مەلٸمەتتەر ٶتە از. بۇل, ەڭ الدىمەن, وسى تاريحي تۇلعالاردى زەرتتەيتٸن ارنايى ينستيتۋتتىڭ بولماۋىنان دا تۋىنداپ وتىرعان مەسەلە. ەلباسىنىڭ بٷگٸنگٸ ماقالاسى وسىنداي ولقىلىقتاردى بٸر جولاتا سەيٸلتٸپ, تاريحي تۇلعالارعا وبەكتيۆتٸ باعا بەرۋٸمٸزگە جول اشقانداي كٶرٸندٸ بٸزگە...
شوقان زەكارين,
قورعالجىن اۋداندىق «Shamshyraq nury»
قوعامدىق-ساياسي گازەتٸنٸڭ رەداكتورى.
.jpeg)