Tarihi-mádeni birlestikterdi biliktiń jalpyulttyq deńgeidegi áriptesteri qataryna kóteretin kez keldi. Bul týraly «Qoǵam jáne memleket: «Birgemiz» - 30 jyldyq seriktestik pen damý» atty IX Azamattyq forýmnyń jalpy otyrysynda QR Memlekettik hatshysy Qyrymbek Kósherbaev aitty, dep habarlaidy QazAqparat.
«Búgingi tańda elimizde 500-ge jýyq ulttyq etno-mádeni qorlar men tarihi-mádeni birlestikter jumys isteidi. Bul birlestikter tarihshylar men jýrnalisterdiń, jazýshylar men ólketanýshylardyń basyn biriktirip, ulttyq tarihymyz ben mádenietimizdi nasihattap, qazaqtyń dańqty ul-qyzdarynyń eńbekteri men erlikterin jas urpaqtyń jadyna sińirýge aianbai qyzmet etip keledi. Álbette, bul - óte qajet ári mańyzdy sharýa. Bizdiń oiymyzsha, endigi jerde osy birlesikter men qorlardyń qyzmetin jańa satyǵa kóterip, olardy respýblikalyq jáne jergilikti biliktiń jalpyulttyq deńgeidegi áriptesteri qataryna kóteretin kez keldi», - dedi Qyrymbek Kósherbaev.
Memlekettik hatshy aldaǵy ýaqytta bul qorlar men birlestikterdiń elimizdiń aitýly datalar men kúntizbesin jáne gýmanitarlyq kún tártibin qalyptastyrýǵa atsalysýy - bárimiz úshin asa mańyzdy bolatynyn basa aitty.
«Biz jergilikti jerlerdegi rýshyldyq pen basqa da usaq bólinýshilerdiń jolyn kesip, otandastarymyzdyń boiynda ulttyq, memlekettik sananyń qalyptasýyna múmkindik beremiz»,- dedi ol.
.jpeg)