تاريحي-مەدەني بٸرلەستٸكتەردٸ بيلٸكتٸڭ جالپىۇلتتىق دەڭگەيدەگٸ ەرٸپتەستەرٸ قاتارىنا كٶتەرەتٸن كەز كەلدٸ. بۇل تۋرالى «قوعام جەنە مەملەكەت: «Birgemiz» - 30 جىلدىق سەرٸكتەستٸك پەن دامۋ» اتتى IX ازاماتتىق فورۋمنىڭ جالپى وتىرىسىندا قر مەملەكەتتٸك حاتشىسى قىرىمبەك كٶشەرباەۆ ايتتى, دەپ حابارلايدى قازاقپارات.
«بٷگٸنگٸ تاڭدا ەلٸمٸزدە 500-گە جۋىق ۇلتتىق ەتنو-مەدەني قورلار مەن تاريحي-مەدەني بٸرلەستٸكتەر جۇمىس ٸستەيدٸ. بۇل بٸرلەستٸكتەر تاريحشىلار مەن جۋرناليستەردٸڭ, جازۋشىلار مەن ٶلكەتانۋشىلاردىڭ باسىن بٸرٸكتٸرٸپ, ۇلتتىق تاريحىمىز بەن مەدەنيەتٸمٸزدٸ ناسيحاتتاپ, قازاقتىڭ داڭقتى ۇل-قىزدارىنىڭ ەڭبەكتەرٸ مەن ەرلٸكتەرٸن جاس ۇرپاقتىڭ جادىنا سٸڭٸرۋگە ايانباي قىزمەت ەتٸپ كەلەدٸ. ەلبەتتە, بۇل - ٶتە قاجەت ەرٸ ماڭىزدى شارۋا. بٸزدٸڭ ويىمىزشا, ەندٸگٸ جەردە وسى بٸرلەسٸكتەر مەن قورلاردىڭ قىزمەتٸن جاڭا ساتىعا كٶتەرٸپ, ولاردى رەسپۋبليكالىق جەنە جەرگٸلٸكتٸ بيلٸكتٸڭ جالپىۇلتتىق دەڭگەيدەگٸ ەرٸپتەستەرٸ قاتارىنا كٶتەرەتٸن كەز كەلدٸ», - دەدٸ قىرىمبەك كٶشەرباەۆ.
مەملەكەتتٸك حاتشى الداعى ۋاقىتتا بۇل قورلار مەن بٸرلەستٸكتەردٸڭ ەلٸمٸزدٸڭ ايتۋلى داتالار مەن كٷنتٸزبەسٸن جەنە گۋمانيتارلىق كٷن تەرتٸبٸن قالىپتاستىرۋعا اتسالىسۋى - بەرٸمٸز ٷشٸن اسا ماڭىزدى بولاتىنىن باسا ايتتى.
«بٸز جەرگٸلٸكتٸ جەرلەردەگٸ رۋشىلدىق پەن باسقا دا ۇساق بٶلٸنۋشٸلەردٸڭ جولىن كەسٸپ, وتانداستارىمىزدىڭ بويىندا ۇلتتىق, مەملەكەتتٸك سانانىڭ قالىپتاسۋىنا مٷمكٸندٸك بەرەمٸز»,- دەدٸ ول.
.jpeg)