Taraz qalasyndaǵy zergerlik dúkennen iri kólemde zergerlik áshekei buiymdar urlandy, dep habarlaidy "Ult aqparat".
Qaraqshy dúkenge ǵimarat qabyrǵasyn buzyp kirip, altyn buiymdardyń kóp bóligin alyp ketken. Keltirilgen shyǵyn kólemi 25 000 000 teńgeni quraidy.
«Atalǵan fakti boiynsha QR QK 188-baby 3-bóligine sáikes sotqa deiingi tergeý bastaldy. Oqiǵa oryn alǵan aýmaqty tekserý barysynda dúkenge qylmystyq shabýyl jasaý aldyn ala muqiiat daiyndyqpen uiymdastyrylǵany belgili boldy. Júrgizilgen jedel-izdestirý is-sharalarynyń nátijesinde Taraz qalasy PB 1-PB kriminaldyq politsiia bólimshesiniń qyzmetkerleri kúdiktini qolǵa túsirgen. Ol Qaraǵandy oblysynyń 49 jastaǵy turǵyny bolyp shyqty», -delingen oblystyq politsiia departamenti baspasóz qyzmetiniń habarlamasynda.
Qazirgi ýaqytta ustalǵan azamat ýaqytsha ustaý izoliatorynda qamaýǵa alyndy. Onyń basqa da qylmystarǵa qatystylyǵyn tekserý úshin jedel-tergeý sharalary júrgizilýde.
