تاراز قالاسىنداعى زەرگەرلٸك دٷكەننەن ٸرٸ كٶلەمدە زەرگەرلٸك ەشەكەي بۇيىمدار ۇرلاندى, دەپ حابارلايدى "ۇلت اقپارات".
قاراقشى دٷكەنگە عيمارات قابىرعاسىن بۇزىپ كٸرٸپ, التىن بۇيىمداردىڭ كٶپ بٶلٸگٸن الىپ كەتكەن. كەلتٸرٸلگەن شىعىن كٶلەمٸ 25 000 000 تەڭگەنٸ قۇرايدى.
«اتالعان فاكتٸ بويىنشا قر قك 188-بابى 3-بٶلٸگٸنە سەيكەس سوتقا دەيٸنگٸ تەرگەۋ باستالدى. وقيعا ورىن العان اۋماقتى تەكسەرۋ بارىسىندا دٷكەنگە قىلمىستىق شابۋىل جاساۋ الدىن الا مۇقييات دايىندىقپەن ۇيىمداستىرىلعانى بەلگٸلٸ بولدى. جٷرگٸزٸلگەن جەدەل-ٸزدەستٸرۋ ٸس-شارالارىنىڭ نەتيجەسٸندە تاراز قالاسى پب 1-پب كريمينالدىق پوليتسييا بٶلٸمشەسٸنٸڭ قىزمەتكەرلەرٸ كٷدٸكتٸنٸ قولعا تٷسٸرگەن. ول قاراعاندى وبلىسىنىڭ 49 جاستاعى تۇرعىنى بولىپ شىقتى», -دەلٸنگەن وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
قازٸرگٸ ۋاقىتتا ۇستالعان ازامات ۋاقىتشا ۇستاۋ يزولياتورىندا قاماۋعا الىندى. ونىڭ باسقا دا قىلمىستارعا قاتىستىلىعىن تەكسەرۋ ٷشٸن جەدەل-تەرگەۋ شارالارى جٷرگٸزٸلۋدە.
