Tarazdaǵy "Qazfosfat" zaýytyn aýaǵa ziiandy zattar tarap ketýine bailanysty ýaqytsha jabý kózdelip otyr, dep habarlaidy Sputnik Qazaqstan agenttigi "Astana" arnasyna silteme jasap.
Alyp óndiriste tehnikalyq apat bolyp, odan shyqqan qoiý tútin qala kóshelerine jaiylǵan. Oblystyq ekologiia departamentiniń mamandary kásiporyn jumysyn ýaqytsha toqtatpaq. Sebebi aýaǵa ziiandy kúkirt sýteginiń mólsheri shamadan tys tarap ketken kórinedi. Bul jaǵdai táýligine eki ret qaitalanǵan.
"Sanitarlyq qoǵaý aýmaǵynan synama alynyp, ol jerde kúkirt sýtek ziiandy zattar anyqtalyp, normadan tys asqany anyqtaldy. Qazirgi tańda jospardan tys tekseris daiyndalyp jatyr. Zerdeleý jumystary júrgizilip jatyr. Jóndegenge deiin zaýyt jumysyn ýaqytsha toqtatatyn shyǵarmyz", - dedi Jambyl oblysy ekologiia departamentiniń bólim basshysy Serik Nurbaev.
Zaýyt mamandary da bolǵan oqiǵanyń sebepterin anyqtap jatyr. "Qazfosfat" JShS bas ekology Arman Qaraǵalievtiń aitýynsha, zaýyt zerthanasynda zertteý júrgizilgen, sanitarlyq ýchaskeler men qala mańynda dozanyń shamadan tys asqany tirkelgen joq.
Jaiylǵan qoiý tútinge qatysty arnaiy qurylǵan jumys tobynyń qorytyndysymen kópshilik kelispeidi. Sebebi, kesheli-beri turǵyndardyń tamaǵy ashyp, kózderi jasaýraǵan.
Eske salsaq, Taraz turǵyndary dúisenbi keshke áleýmettik jelilerde tuman basqan qalanyń videolaryn bólisti. Olar jaǵymsyz iis saldarynan tynys alý qiyndaǵanyn aitty.
Qalany tútin basýyna "Qazfosfat" zaýytyndaǵy jaǵdai sebep bolǵan.
Saǵat keshki segizde monogidratty absorber sorǵysy isten shyqty. Oosyǵan bailanysty aýaǵa gaz (kúkirt trioksidi) tarady. Tseh jumysy shuǵyl túrde toqtatyldy.
"Qazfosfat" JShS bas direktory Nurlanov kúkirt-qyshqyl tsehynda paida bolǵan aqaýdy joiý, sondai-aq aldaǵy ýaqytta mundai jaǵdaidy boldyrmaý boiynsha qajetti is-sharalar ótkizýdi tapsyrdy.
Qazirgi ýaqytta mineraldy tyńaitqyshtar zaýyty shtattyq rejimde jumys isteidi.
Buǵan deiin Taraz biligi qala turǵyndarynyń densaýlyǵyna qaýip tónip turǵan joq dep málimdegen bolatyn.
