تارازداعى "قازفوسفات" زاۋىتىن اۋاعا زيياندى زاتتار تاراپ كەتۋٸنە بايلانىستى ۋاقىتشا جابۋ كٶزدەلٸپ وتىر, دەپ حابارلايدى Sputnik قازاقستان اگەنتتٸگٸ "استانا" ارناسىنا سٸلتەمە جاساپ.
الىپ ٶندٸرٸستە تەحنيكالىق اپات بولىپ, ودان شىققان قويۋ تٷتٸن قالا كٶشەلەرٸنە جايىلعان. وبلىستىق ەكولوگييا دەپارتامەنتٸنٸڭ ماماندارى كەسٸپورىن جۇمىسىن ۋاقىتشا توقتاتپاق. سەبەبٸ اۋاعا زيياندى كٷكٸرت سۋتەگٸنٸڭ مٶلشەرٸ شامادان تىس تاراپ كەتكەن كٶرٸنەدٸ. بۇل جاعداي تەۋلٸگٸنە ەكٸ رەت قايتالانعان.
"سانيتارلىق قوعاۋ اۋماعىنان سىناما الىنىپ, ول جەردە كٷكٸرت سۋتەك زيياندى زاتتار انىقتالىپ, نورمادان تىس اسقانى انىقتالدى. قازٸرگٸ تاڭدا جوسپاردان تىس تەكسەرٸس دايىندالىپ جاتىر. زەردەلەۋ جۇمىستارى جٷرگٸزٸلٸپ جاتىر. جٶندەگەنگە دەيٸن زاۋىت جۇمىسىن ۋاقىتشا توقتاتاتىن شىعارمىز", - دەدٸ جامبىل وبلىسى ەكولوگييا دەپارتامەنتٸنٸڭ بٶلٸم باسشىسى سەرٸك نۇرباەۆ.
زاۋىت ماماندارى دا بولعان وقيعانىڭ سەبەپتەرٸن انىقتاپ جاتىر. "قازفوسفات" جشس باس ەكولوگى ارمان قاراعاليەۆتٸڭ ايتۋىنشا, زاۋىت زەرتحاناسىندا زەرتتەۋ جٷرگٸزٸلگەن, سانيتارلىق ۋچاسكەلەر مەن قالا ماڭىندا دوزانىڭ شامادان تىس اسقانى تٸركەلگەن جوق.
جايىلعان قويۋ تٷتٸنگە قاتىستى ارنايى قۇرىلعان جۇمىس توبىنىڭ قورىتىندىسىمەن كٶپشٸلٸك كەلٸسپەيدٸ. سەبەبٸ, كەشەلٸ-بەرٸ تۇرعىنداردىڭ تاماعى اشىپ, كٶزدەرٸ جاساۋراعان.
ەسكە سالساق, تاراز تۇرعىندارى دٷيسەنبٸ كەشكە ەلەۋمەتتٸك جەلٸلەردە تۇمان باسقان قالانىڭ ۆيدەولارىن بٶلٸستٸ. ولار جاعىمسىز يٸس سالدارىنان تىنىس الۋ قيىنداعانىن ايتتى.
قالانى تٷتٸن باسۋىنا "قازفوسفات" زاۋىتىنداعى جاعداي سەبەپ بولعان.
ساعات كەشكٸ سەگٸزدە مونوگيدراتتى ابسوربەر سورعىسى ٸستەن شىقتى. ووسىعان بايلانىستى اۋاعا گاز (كٷكٸرت تريوكسيدٸ) تارادى. تسەح جۇمىسى شۇعىل تٷردە توقتاتىلدى.
"قازفوسفات" جشس باس ديرەكتورى نۇرلانوۆ كٷكٸرت-قىشقىل تسەحىندا پايدا بولعان اقاۋدى جويۋ, سونداي-اق الداعى ۋاقىتتا مۇنداي جاعدايدى بولدىرماۋ بويىنشا قاجەتتٸ ٸس-شارالار ٶتكٸزۋدٸ تاپسىردى.
قازٸرگٸ ۋاقىتتا مينەرالدى تىڭايتقىشتار زاۋىتى شتاتتىق رەجيمدە جۇمىس ٸستەيدٸ.
بۇعان دەيٸن تاراز بيلٸگٸ قالا تۇرعىندارىنىڭ دەنساۋلىعىنا قاۋٸپ تٶنٸپ تۇرعان جوق دەپ مەلٸمدەگەن بولاتىن.
