Taraz qalasyndaǵy №59 túzeý mekemesine jasyryn aýdio jáne beinejazba qurylǵysymen jabdyqtalǵan kózildirik alyp kirmek bolǵan azamat ustaldy, dep habarlaidy ult.kz.
"Ulttyq ulanyń" habarlaýynsha, 19 maýsym kúni saǵat 13:10 shamasynda aldyn ala alynǵan jedel aqparat negizinde mekeme qyzmetkerleri men Ulttyq ulan áskeri qyzmetshileri qysqa merzimdi kezdesýge kelgen azamattyń jeke zattaryn teksergen.
Tekserý barysynda onyń zattarynyń arasynan mekeme aýmaǵyna alyp kirýge tyiym salynǵan tehnikalyq qurylǵy anyqtaldy. Syrt kózge kádimgi qara kózildirikke uqsaityn zattyń jasyryn aýdio jáne beinejazba jasaý fýnktsiialarymen jabdyqtalǵany belgili boldy.
Qyzmetkerler tekserý bastalǵanǵa deiin azamatqa tyiym salynǵan zattardy óz erkimen tapsyrý qajettigin túsindirgenimen, ol bul talapty oryndamaǵan.
Atalǵan derek boiynsha materialdar tirkelip, oqiǵa ornyna jedel-tergeý toby shaqyryldy. Jinalǵan qujattar quqyqtyq baǵa berý úshin sotqa joldandy.
