تاراز قالاسىنداعى №59 تٷزەۋ مەكەمەسٸنە جاسىرىن اۋديو جەنە بەينەجازبا قۇرىلعىسىمەن جابدىقتالعان كٶزٸلدٸرٸك الىپ كٸرمەك بولعان ازامات ۇستالدى, دەپ حابارلايدى ult.kz.
"ۇلتتىق ۇلانىڭ" حابارلاۋىنشا, 19 ماۋسىم كٷنٸ ساعات 13:10 شاماسىندا الدىن الا الىنعان جەدەل اقپارات نەگٸزٸندە مەكەمە قىزمەتكەرلەرٸ مەن ۇلتتىق ۇلان ەسكەري قىزمەتشٸلەرٸ قىسقا مەرزٸمدٸ كەزدەسۋگە كەلگەن ازاماتتىڭ جەكە زاتتارىن تەكسەرگەن.
تەكسەرۋ بارىسىندا ونىڭ زاتتارىنىڭ اراسىنان مەكەمە اۋماعىنا الىپ كٸرۋگە تىيىم سالىنعان تەحنيكالىق قۇرىلعى انىقتالدى. سىرت كٶزگە كەدٸمگٸ قارا كٶزٸلدٸرٸككە ۇقسايتىن زاتتىڭ جاسىرىن اۋديو جەنە بەينەجازبا جاساۋ فۋنكتسييالارىمەن جابدىقتالعانى بەلگٸلٸ بولدى.
قىزمەتكەرلەر تەكسەرۋ باستالعانعا دەيٸن ازاماتقا تىيىم سالىنعان زاتتاردى ٶز ەركٸمەن تاپسىرۋ قاجەتتٸگٸن تٷسٸندٸرگەنٸمەن, ول بۇل تالاپتى ورىنداماعان.
اتالعان دەرەك بويىنشا ماتەريالدار تٸركەلٸپ, وقيعا ورنىنا جەدەل-تەرگەۋ توبى شاقىرىلدى. جينالعان قۇجاتتار قۇقىقتىق باعا بەرۋ ٷشٸن سوتقا جولداندى.
