Foto: Polisia.kz
Tarazda seiften 19 mln teńge urlaǵan azamat qolǵa tústi, – dep habarlaidy "Ult aqparat" Polisia.kz saityna silteme jasap.
Taraz qalalyq politsiia basqarmasynyń 1-shi politsiia bólimine jergilikti uiymnyń qyzmetkeri shaǵymdanǵan. Ol belgisiz adamnyń kiltterdi tańdaý arqyly qalalyq bazarlardyń birinde ornalasqan kompaniianyń úi-jaiyna zańsyz kirip, seiften 19 million teńgege jýyq aqshany urlap ketkendigi týraly habarlaǵan.
"Atalǵan derekke qatysty QR QK-niń 188-baby 4-bóligi (Urlyq) boiynsha sotqa deiingi tergeý amaldary bastaldy.
Politseiler jedel-izdestirý is-sharalarynyń barysynda qylmys jasady degen kúdikpen Qaraǵandy oblysynyń Balqash qalasynda Merki aýdanynyń 21 jastaǵy turǵynyn ustady.
Aqshalai qarajat túrindegi zattai dáleldemeler tárkilendi. Kúdikti óz kinásin tolyq moiyndap, ýaqytsha ustaý izoliatoryna qamaldy" - delingen habarlamada.
Qazirgi ýaqytta istiń egjei-tegjeili mán-jailaryn anyqtaý úshin qajetti jedel-tergeý is-sharalary júrgizilip jatyr.
