فوتو: Polisia.kz
تارازدا سەيفتەن 19 ملن تەڭگە ۇرلاعان ازامات قولعا تٷستٸ, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
تاراز قالالىق پوليتسييا باسقارماسىنىڭ 1-شٸ پوليتسييا بٶلٸمٸنە جەرگٸلٸكتٸ ۇيىمنىڭ قىزمەتكەرٸ شاعىمدانعان. ول بەلگٸسٸز ادامنىڭ كٸلتتەردٸ تاڭداۋ ارقىلى قالالىق بازارلاردىڭ بٸرٸندە ورنالاسقان كومپانييانىڭ ٷي-جايىنا زاڭسىز كٸرٸپ, سەيفتەن 19 ميلليون تەڭگەگە جۋىق اقشانى ۇرلاپ كەتكەندٸگٸ تۋرالى حابارلاعان.
"اتالعان دەرەككە قاتىستى قر قك-نٸڭ 188-بابى 4-بٶلٸگٸ (ۇرلىق) بويىنشا سوتقا دەيٸنگٸ تەرگەۋ امالدارى باستالدى.
پوليتسەيلەر جەدەل-ٸزدەستٸرۋ ٸس-شارالارىنىڭ بارىسىندا قىلمىس جاسادى دەگەن كٷدٸكپەن قاراعاندى وبلىسىنىڭ بالقاش قالاسىندا مەركٸ اۋدانىنىڭ 21 جاستاعى تۇرعىنىن ۇستادى.
اقشالاي قاراجات تٷرٸندەگٸ زاتتاي دەلەلدەمەلەر تەركٸلەندٸ. كٷدٸكتٸ ٶز كٸنەسٸن تولىق مويىنداپ, ۋاقىتشا ۇستاۋ يزولياتورىنا قامالدى" - دەلٸنگەن حابارلامادا.
قازٸرگٸ ۋاقىتتا ٸستٸڭ ەگجەي-تەگجەيلٸ مەن-جايلارىن انىقتاۋ ٷشٸن قاجەتتٸ جەدەل-تەرگەۋ ٸس-شارالارى جٷرگٸزٸلٸپ جاتىر.
