Foto: Pexels.com
Sporttyq qumar oiyndar saldarynan qaryzǵa batqan Taraz qalasyndaǵy shaǵyn qarjy mekemesiniń direktory óz firmasyn tonaǵan, - dep habarlaidy "Ult aqparat" IIM baspasóz qyzmetine silteme jasap.
Vedomstvo Telegram-arnasynyń málimetinshe, 7 qyrkúiekte Taraz qalasynyń "102" arnasyna shaǵyn qarjy mekemesine tonaý jasalǵany týraly habarlama túsken.
"Politseiler kelgennen keiin sol mekeme filialynyń 47 jastaǵy direktory kassirdi dárethana bólmesine qamap, kassadan 24,5 mln teńge kólemindegi aqshany iemdenip, belgisiz baǵytqa qashyp ketkeni anyqtaldy.
Osy derekke qatysty QR QK 191-babynyń 4-bóligi (asa iri mólsherde jasalǵan tonaý) boiynsha qylmystyq is tirkeldi.
Jeke quramǵa shuǵyl baǵdar berilip, "Tosqaýyl" jospary engizildi. Sondai-aq ózge de jedel is-sharalar kesheni júrgizildi, onyń ishinde tonaýshynyń týystarymen jáne ainalasyndaǵy jaqyn aralasatyn adamdarmen bailanys jasalyp, nátijesinde kúdikti qala aýmaǵynan tys jasyrynyp úlgermei, óz erkimen urlanǵan aqshany alyp, politsiia organyna kelýge májbúr boldy" - delingen habarlamada.
