فوتو: Pexels.com
سپورتتىق قۇمار ويىندار سالدارىنان قارىزعا باتقان تاراز قالاسىنداعى شاعىن قارجى مەكەمەسٸنٸڭ ديرەكتورى ٶز فيرماسىن توناعان, - دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
ۆەدومستۆو Telegram-ارناسىنىڭ مەلٸمەتٸنشە, 7 قىركٷيەكتە تاراز قالاسىنىڭ "102" ارناسىنا شاعىن قارجى مەكەمەسٸنە توناۋ جاسالعانى تۋرالى حابارلاما تٷسكەن.
"پوليتسەيلەر كەلگەننەن كەيٸن سول مەكەمە فيليالىنىڭ 47 جاستاعى ديرەكتورى كاسسيردٸ دەرەتحانا بٶلمەسٸنە قاماپ, كاسسادان 24,5 ملن تەڭگە كٶلەمٸندەگٸ اقشانى يەمدەنٸپ, بەلگٸسٸز باعىتقا قاشىپ كەتكەنٸ انىقتالدى.
وسى دەرەككە قاتىستى قر قك 191-بابىنىڭ 4-بٶلٸگٸ (اسا ٸرٸ مٶلشەردە جاسالعان توناۋ) بويىنشا قىلمىستىق ٸس تٸركەلدٸ.
جەكە قۇرامعا شۇعىل باعدار بەرٸلٸپ, "توسقاۋىل" جوسپارى ەنگٸزٸلدٸ. سونداي-اق ٶزگە دە جەدەل ٸس-شارالار كەشەنٸ جٷرگٸزٸلدٸ, ونىڭ ٸشٸندە توناۋشىنىڭ تۋىستارىمەن جەنە اينالاسىنداعى جاقىن ارالاساتىن ادامدارمەن بايلانىس جاسالىپ, نەتيجەسٸندە كٷدٸكتٸ قالا اۋماعىنان تىس جاسىرىنىپ ٷلگەرمەي, ٶز ەركٸمەن ۇرلانعان اقشانى الىپ, پوليتسييا ورگانىنا كەلۋگە مەجبٷر بولدى" - دەلٸنگەن حابارلامادا.
