Taraz qalalyq sot ǵimaratyn granatamen jaramyn dep qorqytqan kúdikti qolǵa tústi, dep habarlaidy "Ult aqparat".
Jurtty qatty úreilendirgen turǵynnan eshqandai jarylǵysh zat tabylmaǵan. Bul týraly Jambyl oblystyq Politsiia departamentiniń baspasóz qyzmeti málám etti.
«2020 jyldyń 5 qarashasy kúni saǵat 09.10-da oblystyq Politsiia departamentiniń kezekshi bólimine №2 Taraz qalalyq sotynyń kireberisinde belgisiz azamat granaty jarylǵysh zatyn jarmaqshy bolyp jatqany týraly habarlama kelip tústi. Oqiǵa ornyna jedel jetken tártip saqshylary 49 jastaǵy qala turǵynyn ustady. Tekseris barysynda odan eshqandai jarylǵysh zat tabylǵan joq. Odan bólek kúdiktiniń aqyl-esi kem retinde psihikalyq dispanserde tirkeýde turǵany belgili boldy», - delingen vedomstvo habarlamasynda.
Atalǵan fakt boiynsha QR Qylmystyq kodeksiniń «Terrorizm aktisi týraly kórineý jalǵan habarlaý» 273-baby boiynsha sotqa deiingi tergeý bastaldy. Kúdikti Jambyl oblystyq psihonevrologiialyq dispanserine ornalastyryldy.
