تاراز قالالىق سوت عيماراتىن گراناتامەن جارامىن دەپ قورقىتقان كٷدٸكتٸ قولعا تٷستٸ, دەپ حابارلايدى "ۇلت اقپارات".
جۇرتتى قاتتى ٷرەيلەندٸرگەن تۇرعىننان ەشقانداي جارىلعىش زات تابىلماعان. بۇل تۋرالى جامبىل وبلىستىق پوليتسييا دەپارتامەنتٸنٸڭ باسپاسٶز قىزمەتٸ مەلەم ەتتٸ.
«2020 جىلدىڭ 5 قاراشاسى كٷنٸ ساعات 09.10-دا وبلىستىق پوليتسييا دەپارتامەنتٸنٸڭ كەزەكشٸ بٶلٸمٸنە №2 تاراز قالالىق سوتىنىڭ كٸرەبەرٸسٸندە بەلگٸسٸز ازامات گراناتى جارىلعىش زاتىن جارماقشى بولىپ جاتقانى تۋرالى حابارلاما كەلٸپ تٷستٸ. وقيعا ورنىنا جەدەل جەتكەن تەرتٸپ ساقشىلارى 49 جاستاعى قالا تۇرعىنىن ۇستادى. تەكسەرٸس بارىسىندا ودان ەشقانداي جارىلعىش زات تابىلعان جوق. ودان بٶلەك كٷدٸكتٸنٸڭ اقىل-ەسٸ كەم رەتٸندە پسيحيكالىق ديسپانسەردە تٸركەۋدە تۇرعانى بەلگٸلٸ بولدى», - دەلٸنگەن ۆەدومستۆو حابارلاماسىندا.
اتالعان فاكت بويىنشا قر قىلمىستىق كودەكسٸنٸڭ «تەرروريزم اكتٸسٸ تۋرالى كٶرٸنەۋ جالعان حابارلاۋ» 273-بابى بويىنشا سوتقا دەيٸنگٸ تەرگەۋ باستالدى. كٷدٸكتٸ جامبىل وبلىستىق پسيحونەۆرولوگييالىق ديسپانسەرٸنە ورنالاستىرىلدى.
