Tarazda er adam 57 jastaǵy áieldi pyshaqtap óltirip, úiin órtep ketken. Kúdikti terezeden qashyp bara jatqan kezde ustalǵan, - dep habarlaidy Tengrinews.kz agenttigi KTK telearnasyna silteme jasap.
Telearna málimetinshe, oqiǵa 18 mamyrda túngi 00:00 shamasynda bolǵan. Kýágerlerdiń sózinshe, ishimdikke sylqiia toiǵan 32 jastaǵy jergilikti turǵyn azamattyq nekedegi kúieýi bar áieldiń úiine kelip mazasyn alǵan. Sol jerde janjal týyndap, arty tóbeleske ulasypty.
Kúdikti áieldi pyshaqtap óltirip, kúieýin jaralǵan. Qaza tapqan kisiniń kámeletke tolmaǵan eki qyzy qashyp úlgerip, politseilerdi shaqyrtqan. Al kúdikti qylmysyn jasyrý úshin úidi ádeii órtep izin sýytpaq bolypty. Biraq terezeden sytylyp shyǵamyn degende ustalyp qalǵan. 32 jastaǵy er adam buǵan deiin eki ret sotty bolǵan.
"Qylmystyq kodekstiń 99-baby, 1-bóligimen sotaldy tergeý júrgizilip jatyr. Jedel izdestirý is-sharalarynyń nátijesinde politsiia qyzmetkerleri osy qylmysty jasady degen kúdikpen 32 jastaǵy Taraz qalasynyń turǵynyn anyqtap ustady. Barlyq saraptama taǵaiyndaldy. Oqiǵanyń mán-jaiy anyqtalyp jatyr", - dedi Jambyl oblysy PD baspasóz hatshysy Gúlsara Muhtarqulova.
