تارازدا ەر ادام 57 جاستاعى ەيەلدٸ پىشاقتاپ ٶلتٸرٸپ, ٷيٸن ٶرتەپ كەتكەن. كٷدٸكتٸ تەرەزەدەن قاشىپ بارا جاتقان كەزدە ۇستالعان, - دەپ حابارلايدى Tengrinews.kz اگەنتتٸگٸ كتك تەلەارناسىنا سٸلتەمە جاساپ.
تەلەارنا مەلٸمەتٸنشە, وقيعا 18 مامىردا تٷنگٸ 00:00 شاماسىندا بولعان. كۋەگەرلەردٸڭ سٶزٸنشە, ٸشٸمدٸككە سىلقييا تويعان 32 جاستاعى جەرگٸلٸكتٸ تۇرعىن ازاماتتىق نەكەدەگٸ كٷيەۋٸ بار ەيەلدٸڭ ٷيٸنە كەلٸپ مازاسىن العان. سول جەردە جانجال تۋىنداپ, ارتى تٶبەلەسكە ۇلاسىپتى.
كٷدٸكتٸ ەيەلدٸ پىشاقتاپ ٶلتٸرٸپ, كٷيەۋٸن جارالعان. قازا تاپقان كٸسٸنٸڭ كەمەلەتكە تولماعان ەكٸ قىزى قاشىپ ٷلگەرٸپ, پوليتسەيلەردٸ شاقىرتقان. ال كٷدٸكتٸ قىلمىسىن جاسىرۋ ٷشٸن ٷيدٸ ەدەيٸ ٶرتەپ ٸزٸن سۋىتپاق بولىپتى. بٸراق تەرەزەدەن سىتىلىپ شىعامىن دەگەندە ۇستالىپ قالعان. 32 جاستاعى ەر ادام بۇعان دەيٸن ەكٸ رەت سوتتى بولعان.
"قىلمىستىق كودەكستٸڭ 99-بابى, 1-بٶلٸگٸمەن سوتالدى تەرگەۋ جٷرگٸزٸلٸپ جاتىر. جەدەل ٸزدەستٸرۋ ٸس-شارالارىنىڭ نەتيجەسٸندە پوليتسييا قىزمەتكەرلەرٸ وسى قىلمىستى جاسادى دەگەن كٷدٸكپەن 32 جاستاعى تاراز قالاسىنىڭ تۇرعىنىن انىقتاپ ۇستادى. بارلىق ساراپتاما تاعايىندالدى. وقيعانىڭ مەن-جايى انىقتالىپ جاتىر", - دەدٸ جامبىل وبلىسى پد باسپاسٶز حاتشىسى گٷلسارا مۇحتارقۇلوۆا.
