Áleýmettik jelide Taraz qalasyndaǵy ońaltý balabaqshalarynyń birinde erekshe qajettiligi bar balaǵa qatysty video tarady, dep habarlaidy ult.kz.
Balanyń ápkesi Arý Omarbektiń aitýynsha, sóileý qabileti joq inisiniń qol-aiaǵyn tárbieshiler bailap, uiyqtatýǵa áreket jasaǵan. Onyń sózinshe, buǵan deiin de bala tárbieshiden soqqy alǵan.
Týystarynyń málimetinshe, keiin balanyń basynan jaraqat tabylyp, ol jedel járdem kóligimen aýrýhanaǵa jetkizilgen.
Al balabaqsha ókili oqiǵaǵa qatysty óz nusqasyn aityp, mekemede ózin-ózi jaraqattaityn balalar bar ekenin málimdedi.
Osylaisha, taraptardyń aitqany bir-birine qaishy bolyp otyr. Oqiǵanyń naqty mán-jaiyn, balanyń jaraqatynyń qalai paida bolǵanyn jáne tárbieshilerdiń áreketine quqyqtyq baǵa berýdi tiisti organdar anyqtaýy qajet.
