Tarazda 10 jastaǵy balany zorlap, býyndyryp óltirgen jasóspirimge úkim shyqty Ózinen úsh jas kishi balaǵa ajal qushtyrǵan ol endi bir jylyn erekshe rejimdegi arnaiy mektepte ótkizýi tiis. Onyń koloniiaǵa jiberilmeýine qylmys jasaǵan kezde 14 jasqa tolmaǵandyǵy sebep, dep habarlaidy KTK arnasy.
Búkil eldi dúrliktirgen oqiǵa ótken jyldyń qarasha aiynda bolǵan edi. Iz-tússiz joǵalǵan 4-shi synyp oqýshysynyń óli denesi balabaqsha mańyndaǵy top aǵashtyń arasynan tabylǵan. Keiin sonyń mektebindegi 7-shi synyp oqýshysy basty kúdikti retinde ustalady. Óitkeni ekeýiniń birge oinap júrgenderin kórgender boldy.
Tekserý nátijesinde, Nikitanyń zorlanǵany ári tunshyqtyrylǵany anyqtalǵan. Jáne ekeýi de jelim iiskegen. Biraq 13 jastaǵy Nikolaidyń kinási tolyq dáleldenip, tipti ózi de moiyndaǵanymen, ol qylmystyq jaýapqa tartylmady.
Al sýdia anasynan erte aiyrylyp, maskúnem ákesimen eleýsiz ósken jasóspirimge jaza taǵaiyndaý ońai bolmady deidi. Femida ókili sheshim shyǵararda qylmyskerdiń qiyn taǵdyryna basa mán bergen.
"5 jastan 13 jasqa deiin onyń eshkimi bolmaǵan. Ózi de, ómiri de adam balasy qyzyǵarlyqtai emes. Ol maǵan «ne isteisiń» degendei aianyshty kózben qarap turdy. Prokýrorlar eki jyl suraǵan, al men bir jyl jaza kestim. Endi ol Shyǵys Qazaqstandaǵy erekshe rejimdegi arnaiy mektepte 12 ai bolyp keledi", — dedi sýdia Tahmina Sultanova.
