تارازدا 10 جاستاعى بالانى زورلاپ, بۋىندىرىپ ٶلتٸرگەن جاسٶسپٸرٸمگە ٷكٸم شىقتى ٶزٸنەن ٷش جاس كٸشٸ بالاعا اجال قۇشتىرعان ول ەندٸ بٸر جىلىن ەرەكشە رەجيمدەگٸ ارنايى مەكتەپتە ٶتكٸزۋٸ تيٸس. ونىڭ كولونيياعا جٸبەرٸلمەۋٸنە قىلمىس جاساعان كەزدە 14 جاسقا تولماعاندىعى سەبەپ, دەپ حابارلايدى كتك ارناسى.
بٷكٸل ەلدٸ دٷرلٸكتٸرگەن وقيعا ٶتكەن جىلدىڭ قاراشا ايىندا بولعان ەدٸ. ٸز-تٷسسٸز جوعالعان 4-شٸ سىنىپ وقۋشىسىنىڭ ٶلٸ دەنەسٸ بالاباقشا ماڭىنداعى توپ اعاشتىڭ اراسىنان تابىلعان. كەيٸن سونىڭ مەكتەبٸندەگٸ 7-شٸ سىنىپ وقۋشىسى باستى كٷدٸكتٸ رەتٸندە ۇستالادى. ٶيتكەنٸ ەكەۋٸنٸڭ بٸرگە ويناپ جٷرگەندەرٸن كٶرگەندەر بولدى.
تەكسەرۋ نەتيجەسٸندە, نيكيتانىڭ زورلانعانى ەرٸ تۇنشىقتىرىلعانى انىقتالعان. جەنە ەكەۋٸ دە جەلٸم يٸسكەگەن. بٸراق 13 جاستاعى نيكولايدىڭ كٸنەسٸ تولىق دەلەلدەنٸپ, تٸپتٸ ٶزٸ دە مويىنداعانىمەن, ول قىلمىستىق جاۋاپقا تارتىلمادى.
ال سۋديا اناسىنان ەرتە ايىرىلىپ, ماسكٷنەم ەكەسٸمەن ەلەۋسٸز ٶسكەن جاسٶسپٸرٸمگە جازا تاعايىنداۋ وڭاي بولمادى دەيدٸ. فەميدا ٶكٸلٸ شەشٸم شىعاراردا قىلمىسكەردٸڭ قيىن تاعدىرىنا باسا مەن بەرگەن.
"5 جاستان 13 جاسقا دەيٸن ونىڭ ەشكٸمٸ بولماعان. ٶزٸ دە, ٶمٸرٸ دە ادام بالاسى قىزىعارلىقتاي ەمەس. ول ماعان «نە ٸستەيسٸڭ» دەگەندەي ايانىشتى كٶزبەن قاراپ تۇردى. پروكۋرورلار ەكٸ جىل سۇراعان, ال مەن بٸر جىل جازا كەستٸم. ەندٸ ول شىعىس قازاقستانداعى ەرەكشە رەجيمدەگٸ ارنايى مەكتەپتە 12 اي بولىپ كەلەدٸ", — دەدٸ سۋديا تاحمينا سۇلتانوۆا.
