Foto: Petropavlovsk.kz
Petropavl qalasynda 17 jastaǵy jigit tapanshamen balalar aýrýhanasyna basa kóktep kirip, dáriger men patsient qyzdy soqqyǵa jyqty, dep habarlaidy Sputnik Qazaqstan.
Bul oqiǵa 23 qazanda saǵat 11:30 shamasynda bolǵan. 17-18 jastaǵy úsh jigit aýrýhana ǵimaratyna ruqsatsyz kirip kelgen. Meditsina qyzmetkerleri men kúzetke de qaramaǵan. Barlyq eskertýge balaǵat sózben jaýap bergen.
"Odan keiin ekinshi qabatta jatqan 15 jastaǵy qyzǵa kóterildi. Onyń súiegi synǵan. Soǵan qaramai, dálizge shyǵaryp, kýshetkaǵa otyrǵyzyp qoidy. Al 17 jastaǵy jigit ony qolymen basynan ura bastady", - deidi aýrýhananyń bas dárigeri Nurlan Aimanov.
Medbikeler de júgirip shyqqan. Barlyǵy janjaldy toqtatýǵa tyrysqan. Sol kezde basbuzar qyzdyń baldaǵyn alyp, úshkir jaǵymen nevrapotolog dárigerdiń ishinen bir urǵan.
"Sosyn qaltasynan tapanshany alyp shyǵyp, bárin qorqyta bastady, balaǵat sóz aitty. Odan keiin birinshi qabatqa tústi. Al ketip bara jatqanda esiktiń shynysyn syndyrdy, qoly qanap ketti. Tómende otyrǵan balalar men ata-analar qorqyp ketti", - deidi bas dáriger.
Jasóspirim dala shyǵyp bara jatqanda taǵy bir plastikalyq esikti teýip syndyrǵan. Aýrýhanaǵa qyzmetkerleri politsiiany shaqyrdy. Qazirgi kezde tergeý sharalary bastalyp ketti. Dárigerlerdiń aitýynsha, jasóspirim osymen birneshe ret agressiia tanytyp jatyr.
"Tórtinshi ret-aý deimin. Biraq osy joly tym qatty ketti, sol sebepti biz politsiiany shaqyrdyq. Jaraqat alǵan nevrapotolog sot-meditsinalyq saraptamadan ótedi", - dedi Aimanov.
Birneshe ai buryn basbuzar dál sol qyzdy ózi ákelgen. Sonda aiaǵynda jaraqaty bolǵan. Jasóspirim kirgen boida balaǵat sóz aityp, travmotolog dárigerdi betinen bir urǵan.
