فوتو: پەتروپاۆلوۆسك.kz
پەتروپاۆل قالاسىندا 17 جاستاعى جٸگٸت تاپانشامەن بالالار اۋرۋحاناسىنا باسا كٶكتەپ كٸرٸپ, دەرٸگەر مەن پاتسيەنت قىزدى سوققىعا جىقتى, دەپ حابارلايدى Sputnik قازاقستان.
بۇل وقيعا 23 قازاندا ساعات 11:30 شاماسىندا بولعان. 17-18 جاستاعى ٷش جٸگٸت اۋرۋحانا عيماراتىنا رۇقساتسىز كٸرٸپ كەلگەن. مەديتسينا قىزمەتكەرلەرٸ مەن كٷزەتكە دە قاراماعان. بارلىق ەسكەرتۋگە بالاعات سٶزبەن جاۋاپ بەرگەن.
"ودان كەيٸن ەكٸنشٸ قاباتتا جاتقان 15 جاستاعى قىزعا كٶتەرٸلدٸ. ونىڭ سٷيەگٸ سىنعان. سوعان قاراماي, دەلٸزگە شىعارىپ, كۋشەتكاعا وتىرعىزىپ قويدى. ال 17 جاستاعى جٸگٸت ونى قولىمەن باسىنان ۇرا باستادى", - دەيدٸ اۋرۋحانانىڭ باس دەرٸگەرٸ نۇرلان ايمانوۆ.
مەدبيكەلەر دە جٷگٸرٸپ شىققان. بارلىعى جانجالدى توقتاتۋعا تىرىسقان. سول كەزدە باسبۇزار قىزدىڭ بالداعىن الىپ, ٷشكٸر جاعىمەن نەۆراپوتولوگ دەرٸگەردٸڭ ٸشٸنەن بٸر ۇرعان.
"سوسىن قالتاسىنان تاپانشانى الىپ شىعىپ, بەرٸن قورقىتا باستادى, بالاعات سٶز ايتتى. ودان كەيٸن بٸرٸنشٸ قاباتقا تٷستٸ. ال كەتٸپ بارا جاتقاندا ەسٸكتٸڭ شىنىسىن سىندىردى, قولى قاناپ كەتتٸ. تٶمەندە وتىرعان بالالار مەن اتا-انالار قورقىپ كەتتٸ", - دەيدٸ باس دەرٸگەر.
جاسٶسپٸرٸم دالا شىعىپ بارا جاتقاندا تاعى بٸر پلاستيكالىق ەسٸكتٸ تەۋٸپ سىندىرعان. اۋرۋحاناعا قىزمەتكەرلەرٸ پوليتسييانى شاقىردى. قازٸرگٸ كەزدە تەرگەۋ شارالارى باستالىپ كەتتٸ. دەرٸگەرلەردٸڭ ايتۋىنشا, جاسٶسپٸرٸم وسىمەن بٸرنەشە رەت اگرەسسييا تانىتىپ جاتىر.
"تٶرتٸنشٸ رەت-اۋ دەيمٸن. بٸراق وسى جولى تىم قاتتى كەتتٸ, سول سەبەپتٸ بٸز پوليتسييانى شاقىردىق. جاراقات العان نەۆراپوتولوگ سوت-مەديتسينالىق ساراپتامادان ٶتەدٸ", - دەدٸ ايمانوۆ.
بٸرنەشە اي بۇرىن باسبۇزار دەل سول قىزدى ٶزٸ ەكەلگەن. سوندا اياعىندا جاراقاتى بولعان. جاسٶسپٸرٸم كٸرگەن بويدا بالاعات سٶز ايتىپ, تراۆموتولوگ دەرٸگەردٸ بەتٸنەن بٸر ۇرعان.
