Tanymal imam toida ýaǵyz aityp, keiin jaýapkershilikke tartylǵan qariiany jaqtap shyqty, dep habarlaidy ult.kz.
Imamnyń aitýynsha, qariianyń áreketi zań aiasynda baǵalanýy tiis. Ol qariianyń sózderiniń astarynda belgili bir mán bar ekenin aityp, ony jappai synaýǵa qarsylyq bildirdi. Tipti shariǵat biletin adamdardyń ǵaibattaýyn da synady.
“Qariia sózderin aitylatyn jerde aitpady, durys emes sózder qoldandy. Adamǵa unamaityn sózder qoldandy. Biraq shariǵatty túsinetin adamdar nege ol sózdiń astaryna mán bermedińder. Onyń sóziniń jany bar”, - dedi ol.
Aita keteiik, 66 jastaǵy qariia toida áielderdi urǵashyǵa teńep, olardyń erlermen birge otyrýǵa bolmaitynyn aitqan edi.
