Astana – Qostanai baǵytyndaǵy tasjolda bolǵan jol-kólik oqiǵasynan aitysker aqyn, mádeniet salasynyń úzdigi Saltanat Ótelbaeva men onyń jubaiy Myrzabek Qasymov qaza tapty, dep habarlaidy ult.kz.
Qaraly habardy áriptesi Marǵulan Ospanov málimdedi.
Onyń aitýynsha, erli-zaiyptylar Astanadan tańǵy saǵat tórt shamasynda jolǵa shyqqan. Olar sol kúni mektepti úzdik támamdap, qyzyl attestat alýy tiis bolǵan qyzdary Altynaidyń saltanatty sharasyna asyǵyp bara jatqan.
Marǵulan Ospanovtyń sózinshe, qaiǵyly oqiǵa Atbasar men Esil qalalarynyń arasyndaǵy jolda bolǵan. Qaraly habardy oǵan marqumdardyń uly Nursultan jetkizgen.
Áriptesteri arasynda syi-qurmetke ie bolǵan Saltanat Ótelbaeva mádeniet salasynda uzaq jyl eńbek etip, kóptegen mańyzdy jobanyń júzege asýyna úles qosqan. Ol tarih ǵylymdarynyń magistri atanyp, Ybyrai Altynsarin mýzeii basshysynyń orynbasary qyzmetin atqarǵan.
Marqumnyń áriptesteri men jaqyndary ony ashyq minezdi, meiirimdi ári parasatty jan retinde eske alyp, otbasy men týǵan-týystaryna kóńil aitýda.
