استانا – قوستاناي باعىتىنداعى تاسجولدا بولعان جول-كٶلٸك وقيعاسىنان ايتىسكەر اقىن, مەدەنيەت سالاسىنىڭ ٷزدٸگٸ سالتانات ٶتەلباەۆا مەن ونىڭ جۇبايى مىرزابەك قاسىموۆ قازا تاپتى, دەپ حابارلايدى ult.kz.
قارالى حاباردى ەرٸپتەسٸ مارعۇلان وسپانوۆ مەلٸمدەدٸ.
ونىڭ ايتۋىنشا, ەرلٸ-زايىپتىلار استانادان تاڭعى ساعات تٶرت شاماسىندا جولعا شىققان. ولار سول كٷنٸ مەكتەپتٸ ٷزدٸك تەمامداپ, قىزىل اتتەستات الۋى تيٸس بولعان قىزدارى التىنايدىڭ سالتاناتتى شاراسىنا اسىعىپ بارا جاتقان.
مارعۇلان وسپانوۆتىڭ سٶزٸنشە, قايعىلى وقيعا اتباسار مەن ەسٸل قالالارىنىڭ اراسىنداعى جولدا بولعان. قارالى حاباردى وعان مارقۇمداردىڭ ۇلى نۇرسۇلتان جەتكٸزگەن.
ەرٸپتەستەرٸ اراسىندا سىي-قۇرمەتكە يە بولعان سالتانات ٶتەلباەۆا مەدەنيەت سالاسىندا ۇزاق جىل ەڭبەك ەتٸپ, كٶپتەگەن ماڭىزدى جوبانىڭ جٷزەگە اسۋىنا ٷلەس قوسقان. ول تاريح عىلىمدارىنىڭ ماگيسترٸ اتانىپ, ىبىراي التىنسارين مۋزەيٸ باسشىسىنىڭ ورىنباسارى قىزمەتٸن اتقارعان.
مارقۇمنىڭ ەرٸپتەستەرٸ مەن جاقىندارى ونى اشىق مٸنەزدٸ, مەيٸرٸمدٸ ەرٸ پاراساتتى جان رەتٸندە ەسكە الىپ, وتباسى مەن تۋعان-تۋىستارىنا كٶڭٸل ايتۋدا.
