Almaty oblysynda kámeletke tolmaǵan qyzdy zorlady degen kúdikti tergeý izoliatorynda ózine qol jumsady, - dep habarlaidy Tengrinews.kz agenttigi Almaty oblysynyń Politsiia departamentine silteme jasap.
Vedomstvo málimetinshe, 3 jeltoqsanda Talǵar aýdany Politsiia basqarmasynyń qyzmetkerleri QR Qylmystyq kodeksiniń 121-baby 3-1-bóliginde ("Seksýaldyq sipattaǵy zorlyq-zombylyq áreketteri") kózdelgen qylmys jasady degen kúdikpen buryn sottalǵan 19 jastaǵy kúdiktini ustaǵan. Ol QR Qylmystyq is júrgizý kodeksiniń 128-baby boiynsha qamaýǵa alynǵan.
Al 5 jeltoqsanda saǵat 13:55 shamasynda kúdikti ýaqytsha ustaý izoliatory kamerasynda asylyp qalǵan.
Qaitys bolý deregi QR Qylmystyq kodeksiniń 105-baby 1-bóligi boiynsha Talǵar aýdanynyń sotaldy tergeýdiń biryńǵai tiziliminde tirkelgen.
Qazir barlyq qajet saraptama taǵaiyndalǵan, tergeý sharalary júrgizilip jatyr.
