الماتى وبلىسىندا كەمەلەتكە تولماعان قىزدى زورلادى دەگەن كٷدٸكتٸ تەرگەۋ يزولياتورىندا ٶزٸنە قول جۇمسادى, - دەپ حابارلايدى Tengrinews.kz اگەنتتٸگٸ الماتى وبلىسىنىڭ پوليتسييا دەپارتامەنتٸنە سٸلتەمە جاساپ.
ۆەدومستۆو مەلٸمەتٸنشە, 3 جەلتوقساندا تالعار اۋدانى پوليتسييا باسقارماسىنىڭ قىزمەتكەرلەرٸ قر قىلمىستىق كودەكسٸنٸڭ 121-بابى 3-1-بٶلٸگٸندە ("سەكسۋالدىق سيپاتتاعى زورلىق-زومبىلىق ەرەكەتتەرٸ") كٶزدەلگەن قىلمىس جاسادى دەگەن كٷدٸكپەن بۇرىن سوتتالعان 19 جاستاعى كٷدٸكتٸنٸ ۇستاعان. ول قر قىلمىستىق ٸس جٷرگٸزۋ كودەكسٸنٸڭ 128-بابى بويىنشا قاماۋعا الىنعان.
ال 5 جەلتوقساندا ساعات 13:55 شاماسىندا كٷدٸكتٸ ۋاقىتشا ۇستاۋ يزولياتورى كامەراسىندا اسىلىپ قالعان.
قايتىس بولۋ دەرەگٸ قر قىلمىستىق كودەكسٸنٸڭ 105-بابى 1-بٶلٸگٸ بويىنشا تالعار اۋدانىنىڭ سوتالدى تەرگەۋدٸڭ بٸرىڭعاي تٸزٸلٸمٸندە تٸركەلگەن.
قازٸر بارلىق قاجەت ساراپتاما تاعايىندالعان, تەرگەۋ شارالارى جٷرگٸزٸلٸپ جاتىر.
