Talǵarda múgedek balany azaptap óltirdi degen kúdikpen kútýshi kelinshek izoliatorǵa jabyldy, dep habarlaidy KTK.
8 jasar Muhamedjannyń azapty ólimine qatysty isti balalar ombýdsmeni Zaǵipa Bálieva óz baqylaýyna alypty.
Jarymjan jetkinshekti azaptap óltirdi dep aiyptalǵan kútýshi Meiirgúl Jalymova ishki ister bóliminiń ýaqytsha ustaý abaqtysynda jatyr.
"Bala ólimi týraly estigen boida jergilikti ishki ister bóliminiń basshysynyń ózimen sóilestim. Ákimdikten de bolǵan jaitty anyqtap suradyq. Otbasyny kómeksiz qaldyrmaimyz. Biraq árine balanyń ornyn toltyra almaidy", — deidi balalar ombýdsmeni Zaǵipa Bálieva.
Qaiǵyly oqiǵa bolǵan kúni kezekshilikke úsh birdei kútýshi qalypty. Biraq nege ekeni belgisiz sol túni balalardyń janynda álgi kúdikti áiel ǵana bolǵan. Qalǵandary balalar bólmesine bolary bolǵan soń bir-aq jetken. Iaǵni, tún ortasynda qalǵan tárbieshilerdiń qaida júrgeni beimálim kúide qalyp otyr.
Al balany tunshyqtyryp óltirdi dep kúdikke ilikken 30 jastaǵy kelinshek Ózbekstan týmasy eken. 3 balasy bar áiel qylmysyn moiyndap, bala mazasyn alyp qoimaǵan soń ony osylaisha tynyshtandyrmaq bolǵanyn aitqan.
