تالعاردا مٷگەدەك بالانى ازاپتاپ ٶلتٸردٸ دەگەن كٷدٸكپەن كٷتۋشٸ كەلٸنشەك يزولياتورعا جابىلدى, دەپ حابارلايدى كتك.
8 جاسار مۇحامەدجاننىڭ ازاپتى ٶلٸمٸنە قاتىستى ٸستٸ بالالار ومبۋدسمەنٸ زاعيپا بەليەۆا ٶز باقىلاۋىنا الىپتى.
جارىمجان جەتكٸنشەكتٸ ازاپتاپ ٶلتٸردٸ دەپ ايىپتالعان كٷتۋشٸ مەيٸرگٷل جالىموۆا ٸشكٸ ٸستەر بٶلٸمٸنٸڭ ۋاقىتشا ۇستاۋ اباقتىسىندا جاتىر.
"بالا ٶلٸمٸ تۋرالى ەستٸگەن بويدا جەرگٸلٸكتٸ ٸشكٸ ٸستەر بٶلٸمٸنٸڭ باسشىسىنىڭ ٶزٸمەن سٶيلەستٸم. ەكٸمدٸكتەن دە بولعان جايتتى انىقتاپ سۇرادىق. وتباسىنى كٶمەكسٸز قالدىرمايمىز. بٸراق ەرينە بالانىڭ ورنىن تولتىرا المايدى", — دەيدٸ بالالار ومبۋدسمەنٸ زاعيپا بەليەۆا.
قايعىلى وقيعا بولعان كٷنٸ كەزەكشٸلٸككە ٷش بٸردەي كٷتۋشٸ قالىپتى. بٸراق نەگە ەكەنٸ بەلگٸسٸز سول تٷنٸ بالالاردىڭ جانىندا ەلگٸ كٷدٸكتٸ ەيەل عانا بولعان. قالعاندارى بالالار بٶلمەسٸنە بولارى بولعان سوڭ بٸر-اق جەتكەن. ياعني, تٷن ورتاسىندا قالعان تەربيەشٸلەردٸڭ قايدا جٷرگەنٸ بەيمەلٸم كٷيدە قالىپ وتىر.
ال بالانى تۇنشىقتىرىپ ٶلتٸردٸ دەپ كٷدٸككە ٸلٸككەن 30 جاستاعى كەلٸنشەك ٶزبەكستان تۋماسى ەكەن. 3 بالاسى بار ەيەل قىلمىسىن مويىنداپ, بالا مازاسىن الىپ قويماعان سوڭ ونى وسىلايشا تىنىشتاندىرماق بولعانىن ايتقان.
