foto: REUTERS / MIKE BLAKE
Taldyqorǵanda eki qabatty turǵyn úide tabiǵi gaz jarylyp, 7 adam zardap shekti, dep habarlaidy Ult.kz, Sputnik.kzke silteme jasap. Qaiǵyly oqiǵa 31 jeltoqsanǵa qaraǵan túni bolǵan.
"Saǵat 07:20 shamasynda Taldyqorǵan qalasyndaǵy aýrýhanalarǵa zardap shekken 7 adam tústi. Onyń ekeýi oblystyq aýrýhanaǵa, Taldyqorǵan qalalyq kópsalaly aýrýhanaǵa 3 adam, oblystyq balalar aýrýhanasyna 2 adam tústi. Búgingi kúni 4 adamnyń jaǵdaiy turaqtalyp, travmatologiia bólimine aýystyryldy", - deidi oblystyq densaýlyq saqtaý basqarmasy.
2 naýqas jansaqtaý bóliminde em qabyldap jatyr, jaǵdailary óte aýyr. 52 jastaǵy naýqas qaitys bolǵan.
Politsiia tutynýshylardyń ómiri men densaýlyǵynyń qaýipsizdigi talaptaryna sai kelmeitin jumystardy oryndaý, ne qyzmet kórsetý faktisi boiynsha qylmystyq is qozǵady.
"Tergeý zańnamaǵa qatań sáikes júrgiziledi jáne onyń sheńberindegi ózge de aqparat jariia etýge jatpaidy. Bul isti departament basshylyǵy erekshe baqylaýǵa aldy", - deidi Jetisý oblystyq politsiia departamenti.
