فوتو: REUTERS / MIKE BLAKE
تالدىقورعاندا ەكٸ قاباتتى تۇرعىن ٷيدە تابيعي گاز جارىلىپ, 7 ادام زارداپ شەكتٸ, دەپ حابارلايدى Ult.kz, Sputnik.kzكە سٸلتەمە جاساپ. قايعىلى وقيعا 31 جەلتوقسانعا قاراعان تٷنٸ بولعان.
"ساعات 07:20 شاماسىندا تالدىقورعان قالاسىنداعى اۋرۋحانالارعا زارداپ شەككەن 7 ادام تٷستٸ. ونىڭ ەكەۋٸ وبلىستىق اۋرۋحاناعا, تالدىقورعان قالالىق كٶپسالالى اۋرۋحاناعا 3 ادام, وبلىستىق بالالار اۋرۋحاناسىنا 2 ادام تٷستٸ. بٷگٸنگٸ كٷنٸ 4 ادامنىڭ جاعدايى تۇراقتالىپ, تراۆماتولوگييا بٶلٸمٸنە اۋىستىرىلدى", - دەيدٸ وبلىستىق دەنساۋلىق ساقتاۋ باسقارماسى.
2 ناۋقاس جانساقتاۋ بٶلٸمٸندە ەم قابىلداپ جاتىر, جاعدايلارى ٶتە اۋىر. 52 جاستاعى ناۋقاس قايتىس بولعان.
پوليتسييا تۇتىنۋشىلاردىڭ ٶمٸرٸ مەن دەنساۋلىعىنىڭ قاۋٸپسٸزدٸگٸ تالاپتارىنا ساي كەلمەيتٸن جۇمىستاردى ورىنداۋ, نە قىزمەت كٶرسەتۋ فاكتٸسٸ بويىنشا قىلمىستىق ٸس قوزعادى.
"تەرگەۋ زاڭناماعا قاتاڭ سەيكەس جٷرگٸزٸلەدٸ جەنە ونىڭ شەڭبەرٸندەگٸ ٶزگە دە اقپارات جارييا ەتۋگە جاتپايدى. بۇل ٸستٸ دەپارتامەنت باسشىلىعى ەرەكشە باقىلاۋعا الدى", - دەيدٸ جەتٸسۋ وبلىستىق پوليتسييا دەپارتامەنتٸ.
