Taldyqorǵanda el igiligine saltanat saraiy paidalanýǵa berildi. Endi jas jubailar nekelerin osy jerde qiiady, dep habarlaidy "Ult aqparat".
Jańa neke saraiy sáýleti jaǵynan qalaǵa erekshe kórik berip qana qoimai, azamattyq hal aktilerin tirkep, 8 túrli qyzmet kórsetetin bolady. Búgin eki otbasy saltanat saraiynda alǵashqy bolyp nekesin qidyrsa, aǵa býyn ókilderi altyn jáne gaýhar toilaryn atap ótti.
«Óte qýanyshtymyz. Árine, ótinish jasaǵan kezde jańa neke saraiynda nekemiz qiylady dep oilamadyq. Baqyttymyz. Altyn toiymyzdy, gaýhar toiymyzdy osynda ótkizemiz degen úmittemiz», - deidi taldyqorǵandyq Madiiar Erlanuly. Madiiar búgin Gúlim esimdi baqyt qusyn qolyna qondyrdy. Qýanysh ielerin oblys basshysy Amandyq Batalov quttyqtap, jyly lebizin bildirdi.
Jalpy nysan 160 adamǵa laiyqtalyp salynǵan. Al mekemeniń qurylysyna 1.5 mlrd teńgege jýyq qarjy jumsaldy. Esterińizge sala keteiik, Saltanat saraiynyń qurylysy 2016 jyly bastalǵan bolatyn.
